زوجك يحبك ؟ علمينا كيف عرفتي

واللي تقول الزواج نكبة او مصيبة لا والله احمدي ربك اقلها انك شفتي ضناك انظروا للحياة نظرة ايجابية عززوا الجانب المشرق في حياتكم تفاءلوا حدثوا انفسكم بايجابية انا نجحت انا ام جيدة لاطفالي انا احب زوجي وبيتي الى متى هالغلقة والنكد انتم في نعمة كل وحدة تشوف وش النعم اللي بين يديها وتستمتع فيها وتحمد الله عليها ..

حتى انا احزن على البنات في السوق مغير عيونهم على الرجال يدورون المغازلين...
اطارد بزران ولا اطارد رجال الله لايبلينا بس ويرزقك الزوج اللي مايخليك تناظرين للرجال بالاسواق

و اللي تشوفينها تطارد البزران تذكري ان جزاها عند ربي ان الجنه تحت اقدامها مقابل تعبها ع اطفالها وترا امك كانت بيوم من الايام مثلهن تطارد وراكن😂😂

زوجي يحبني ومتأكده انه يحبني ويعشقني لكنه تزوج علي الله لا يوفقه ولا يوفق زوجته وش فايدة الحب بعد ماكسر قلبي بزواجه علي وشمت خلق الله فيني واللي جربت تحس باللي انا احس فيه اشوف هداياه وكلام الحب اللي يكتبه لي وانقهر زيادة ليت بيننا كره علشان اطلعه من قلبي بلا عوده
يقول علشان ترضين ابتزوج ثالثه علشان تعرفين ان سبب زواجي ماهو نقص فيك وابتزوج ثالثه كسر لخشم الثانية ورد اعتبار لك وش رايكن بكلامه اصدقه والا لا مع العلم انه صدق يسعى للزواج من ثالثه واتوقع يتزوج قريب مع ان زواجه من الثانيه له اقل من 4 شهور وزواجي منه اكثر من عشر سنوات وعندي اطفال الله يحفظهم وماناقصني شي بشهادته بس حاجه في نفس يعقوب ياعل هالنفس ماتلحق هواها
ماقرأت الردود يمكن تكون لي عودة بعد قرائتها

رددي حبيبتي اللهم الجم فاه بلا إله إلا الله واسكن غضبه عني بلاحول ولاقوة الا بالله العلي العظيم واجعل مشاكلنا بردا وسلاما علينا كما جعلت النار بردا وسلاما على ابراهيم

ياعمري الله يسخره لك تدرين ان الزوج اذا حب يقدر يحب ثانية ويتزوج يعني حبه لك مب معناه مايقدر يتزوج هو يشوف ان هالشي طبيعي سبحان الله وماله دخل في الحب تركيبتهم غريبة على قولتهم قلوبهم فنادق الله يسخره ويرده لك بس زواجه الثالث ماله داعي ابدا لا يضيع فلوسكم بس الله يرده لكم