السلام عليكم ورحمه الله
اكتب لكم رسالتي ب اختصار ومنها اعتبروها فضفضه لان محد عندي افضفض له غيركم
زوجي ولله الحمد ملتزم من ناحيه الصلاه والدين محافظ يقوم من نفسه ويصلي حتى الفجر لكن عنده عيب وهذا سبب مشكلتي معاه وكرهي له مافيه اخلاق يعني مايحترمني اقول لكم امثله
مرره دق علي وجوالي مقفل رسل لي رساله وكتب فيها جعل جوالك يخرب ولا ينفجر فيك وارتاح
ومره ثانيه راح يصلي الفجر ونسى جواله بالبيت ومفاتيحه ولما رجع جلست يرن الجرس انا ماسمعت الجرس بما اني صاحيه بس كنت بغرفتي والباب مسكر بعد ربع ساعه فتحت باب الغرفه اسمع جرس رحت افتح له جلس يصارخ ماتسمعين قلت ماسمعت وجلس يدعي علي جعل البيت يطيح فوقك وافتك منكم
دائماً لسانه بذيء بجد يقهرني
ويتلفظ علي يالبقره ويلعن اهلي والله اني احترمه ولا استفزه
واذا هدينا اتناقش معه هالشي يتعب نفسيتي وش رد قال اذا اللي قدامك بقره وش تقول
اسلوبه يقهرني وعدم احترامه لي
فيه اشياء كثيره تقهرني فيه بس هذا الشي اكثر شي
وش تنصحوني فيه
شاركي في النقاش
سجلي الدخول لإضافة تعليق.
التعليقات
71- قليل ادب والله لو منك اتفل بوجهه 😔😔اجل يلعن اهلي واسكت له لا والله لااقلب الدنيا فوق راسه معليش اللي اخلاقه كامله ومحافظ ع صلاته لسانه يكون عسل
ولا يحب يغلط ع احد 😪😪😪 - المسلم من سلم المسلمون من لسانه ويده قولي له هالحديث يمكن متربي كذا الله يهديه ويصلح احوالكم
- الله يساعدك ويفرجها عليكي
- يعني ملتزم ولسانه وسخ مايصير وكمان يلعن اهلك اتفلي بوجهه ذا ماينعاش معاه فرقاه عي
- تخيلوا أقول له ترضى العن في ابوك مثل ماتلعن في ابوي
يقول انتي بس جربي وتشوفي وش اسوي فيك
مواضيع مشابهة
تابعي تجارب أخرى من هذا القسم.