زوجي وزوجها !!

السلام عليكم
اخباركم بنات ؟


جايتكم ابي من خبرتكم بالحياة كيف اتصرف مع هالمشكلة
يا بنات خالة زوجي بالعشرين صغيره بس حسوده بشكل كل جمعاتي معها نفس المحور تدور حوله اخ غثتني من تشوفني تبدأ تتشكى من زوجها وتقارن بين زوجي وزوجها تحسب ان زوجي كامل مكمل !! وتقول زوجك ما يسهر قلت انتي شدراك متزوجته قالت لا اعرفه قلت هو عاش اخر 6 سنين من حياته بغربة يعني ماتعرفين نظامه ولكن باقي مصرة على رأيها ان زوجي بيرفكت وما يسهر وطيب وحليل وماعليه خلاف وانا والله زوجي راعي سهر وما يرجع اوقات الا الفجر بس ما اتشكى ولا عمري قلت لاحد هالحكي وهي على بالها اني ميته مبسوطة وزوجي مسخر لي وانا ما يمر يوم الا متمشكلة معه بس طبعي وزوجي كتومين مانعلم بمشاكلنا لا اهلي ولا اهله والا نقعد بالايام زعلانين ومحد يدري
الحين مرتفع ضغطي منها من تشوفني والله تجلس تتشكى من زوجها وتقارن بين وضعي ووضعها وانا وضعي اسوء منها ماعندي عيال وساكنة بشقة عند حمولتي وهي ماشااء الله بيت وولد والثاني بالطريقمع العلم انها كل اجازة بدولة وولد اختها يعلمني ان زوجها طيب ويداريها *** انا اقول هالكلام للتوضيح عن وضعي ووضعها لا تجي وحده تقول انتي حسود وانتي حقود تفهم المقصد بالاول
طيب ايش الخلل من تشوف وجهي تتشكى منه وتحسدني على زوجي تطلع كل ايجابيات زوجي واوقات احسها تتمنى انه زوجها من طريقة كلامها واعجابها فيه ومن يزورها زوجي يرجع وهو معفوس علي معصب ويهاوش ويقارن بيني وبينها من يومي عروووس حسبي الله ونعم الوكيل ...




وش الحل ابي افتك من شرها مع العلم علاقتي فيها رسمية والله كل 3 اسابيع اشوفها بس زوجي دايم يشوفها عشانها دايم تزور اختها بحكم ان جدة زوجي بمدينة ثانية وهي بغربة ومهما حاولت اقل الكلام بس تقط علي كلام ان ربي رزقها عشان طيبتها ونيتها !!