زواج صديقتي

عزيزتي انا بزواجات صديقاتي المقربات اجيب هدية حسب ميزانيتي وأوقف معاهم اول العرس وأوقف بزفتها وإذا كانت حابة اطلع غرفتها وحدة من صديقاتي رحتلها البيت وطلعت معاها للصالة وطول الوقت بغرفتها
الهدية إذا طلعتي عندها اعطيها أو اعطيها لأمها أو وقت ماتسلمي عليها بالكوشة اعطيها الهدية
واروح مشغل اعمل شعري ومكياج والبس فستان ناعم وراقي
اتمنى اكون افدتك

اهدي لها يا تعليقه ذهب يا طقم اهم شي ابعدي عن العطور لان صعب مزاج كل وحده والله ابتلشت بالعطور
والهديه اعطيها وقت ماتطلعين لها
ولاجاء وقت الزفه اجلسي مكانك بيجون اهلها وقرابيها وبعدها لا نزلوا اهلها روحي لها بالكوشه
وخاصه لا تجمعوا صديقاتها معاها
اهم شي لا تلزقين فيها واجد
وواعملي تسريحه هاديه ومكياج خفيف
والله يجملك قدامها

طيب مو ممكن انها تنسى الهديه مثلا ولا شي لا عطتها اياها بيوم الزواج ؟

يُفضل تهدينها الهديه قبل بزياره عاديه مو لازم تكلفين على عمرك اشتريلها هديه حسب ميزانيتك يعني من لازم ذهب عادي إسأليها عن مودها فالعطور شو الرواًئح اللي تحبها ريحة الفواكه ولا النظافة ولا الزهور ولا السويت وعلى حسب ذوقها اشتريلها طقم كامل سواء من بودّي شوب ولا باث اند بودّي وركس ولا فكتوريا سيكرت ولا طقم عطر ماركه يتكون من شورجل ولوشن والعطر أتمنى أكون أفدتك تقبلي مروري ودمتي بود ❤

الله يوفقك صديقتك ويسعدها ويجملك والعقبى لك..ممكن تهدينها تعليقة او ساعة او خاتم ..
واذا تقدري بدون ماتحس تعرفي ايش باقي لها ماجابت جيبيه لها مو شرط ذهب..مثلا ممكن جهاز سراميك او فير او ماكينة شيل شعر .. حسب ميزانيتك او اذا تعرفين انها تحب ماركة معينة في المكياج ممكن تنوعين لها منه..
صديقة خالتي اتذكر تكفل بباقتها يوم الزوج
هي حابتها لها هدية منها.. بس طبعا اتفقت مع خالتي ..


بالنسبة لك حاولي تكوني ناعمة مثلا فستان ناعم وشعرك مستشور وفير عالاطراف..


خليك معاها بالغرفة الى قبل الزفة
لكن وقت الزفة احس صعبه تكوني معاها عشان اهلها كلهم بيكونوا حواليها ..
واذا صارت عالكوشة روحي لها وسلمي عليها
والهدية افضل ترويحين لها زيارة سريعة قبل الزواج وتعطينها هديتها
حتى مو لازم تصير بوعد ممكن تدقي عليها وتشوفينها اذا في البيت قولي لها انك مثلا بتمرينها 10 دقايق مثلا بتستعيري منها شي.. وجيبي لها الهدية مع كيكة بسيطة عليها الف مبروك وفاجأيها راح تنبسط كثير لانها ماحتكون متوقعة ..


وممكن تعملين لها جمعة بسيطة مع صديقاتكم المشتركات عندك بالمره تغير جو من ضغط التجهيزات وتنبسطوا وتعطوها الهدية
اختي صاحباتها سوا لها جمعة صغنونة يمكن بس قهوة وحتى العشاء كان فاست فود
يعني جمعة بنات بسيطة ..واشتروا تل وطوق شعر ولصقوه فيه وعملوها طرحة عروس وزفوها بينهم وكمان جابوا لها باقة ورد
ورجعت مرررررررره مبسوووووطه