💕🌸 التجمع الـ (30) لأحلى حوامل التوأم 🌸💕

بنات
رجعت اقرا التجمعات القديمه من عام 1432 لامهات التوأم وبصراحه لاحظت شي
70 بالمية من الولادات طبيعي و30 بالمية قيصري
وقرأت قصصهم بعضهم اجنتهم متعاكسين وبعضهم واحد من الاجنة معترض ومع ذالك ولدوهم طبيعي
ليش الحين كل ولادات التوائم قيصري !!! ليش يرعبون الام ولا يعطونها فرصة تحاول تولد طبيعي
طبعا انا مو ضد القيصري بالعكس نعمه من ربي عظيمه ودايم ادعي الله انه يكتب لي اللي فيه الخير لي ولاجنتي سواء كان طبيعي او قيصري
بس القيصري له اسباب حرام ان الدكتور يقرر للام عمليه لمجرد مخاوف ان الطفل الثاني ماينزل او يعترض
ترا مو بس ولادة التوأم فيها هالاخطار حتى الطفل الواحد معرض انه تتعسر ولادته لسبب او لاخر
كل اللي حولي يخوفوني ويقولون لاتفكري بالطبيعي بعدين تجربين الاثنين القيصري والطبيعي .... ادري اني معرضه لهالاحتمال بس بالنهايه كله كاتبه ربي
والله يهون علي وعليكن .... اعذروني على كثر القرق بس بقلبي بقبوقه وقلت لازم افضفض لكن

عزيزتي بقشة حلاو
انا من حالي و بالي ابي اطلب قيصري 😲 مع أنه ولدت طبيعي مرات كثيييره
لأني خايفه ومرعوبه من سالفة زميلتي ب الدوام
بكرها ولدين أحدهم نازل للحوض برأسه والثاني متربع
الأول طلع بسلام والثاني نزل بمقعدته
تقول انشقيت للأسفل بإتجاه الشرج تكرمين
شهرين نايمه على ظهرها لأنه هذا الجرح متعب
يارب ما أكون خوفتكم بس انا حقيقي طاير عقلي
وكلت امري وأمور أخواتي في هذا التجمع لله وهو نعم الوكيل

احووووه 😵😱 ياقلبيه الله لا يمررنا بمواقف كذا 😫

صادقه والله لكن هو يعتمد على اللي بتولد نفسها وعلى قوة قلبها .. انا خايفه لأنه اول حمل لي وبعد تعب جا عشان كذا 90٪‏ قيصري و10٪‏ هذه لزوجي يقول اولدي طبيعي احسن لك ترا وهو صادق والله لكن انا مافيني قوه على السالفه وربي ييسرلنا مافيه الخير ياااارب 😣 .. وبالعكس فضفضي يزين التجمع بالسواليف ويمكن تحفزين احد يولد طبيعي 👍🏻

صادقه شدونه .. انتبهي على حالك