تجمع الأمل (94) للمقدمات على عملية أطفال الأنابيب والمنتظرات نتيجة التحليل

اختي روح.الزمان انتي ارسلتي لي على الخاص وانا ما اقدر ارد عليك يقول لازم مشارتك تكون خمسين مشاركه وانا توني جديده على المنتدى ،اولآ صلي استخاره وادعي ربي ان الله يسر لك الخير ويقدره لك ويكتب لك الخيره سواء هنا او هناك المبلغ صعب احدده صعب ،كم ميزانيتك كم راح تجلسين في مصر هل بتطولين لكن انا اقولك كم يكلفك التلقيح في السعوديه زيدي المبلغ مرتين يعني يكلفك هنا عشرين احسبي حسابك 30 الف او 40 الف كم راح تجلسين هل بسوينها وترجعين هذا بعد لازم تحسبين حسابه يوم عملية الحقن احسبي حسابك بعد ممكن زوجك يحتاج عمليه بعد هذي لها مبلغ انا ما اعرف حتى كم مدة اجازتكم وكل ما طولت الاجازه تبي فلوس زياده انتي استخيري وأسال الله رب العرش العظيم انه يرزقك يا حي يا قيوم اللي انصحك فيه انك تقابلين الدكتور مدحت عامر وهو مدير المستشفى واستشاري ذكوره و هو يحدد لكم خطة العلاج ويومها تعرفين المبلغ ب التمام لأنه فعلا حاله عن حاله تختلف انا انصحك من اللحين كل صباح 7 تمرات و7 حبات البركه بعد صلاة الفجر يوميا و كأس ماء زمزم وهذي فايتمينات اكليها من الان وان شاء الله تجين وتبشرينا ب الحمل السليم المعافي انتي ومن في هذذا الجمع الطيب يارب ويتم علي وعلى من حملت يارب دعواتكم لي من اجمل نعم الله علي اللهم لك الحمد ولك الشكر .

تسلمين ام نوير ماقصرتي الله يجزاك خير يارب وثبت حملك بصحة وعافية انا سألتك لأن الحسبة هي هي انا اذا سويتها بالرياض بتكلف سفر وشقق فقلت اجرب مصر لو اجلس شهر وسمعت ان العملية عندهم على 7000 ريال فقلت ممكن تكون نفس الحسبة بس هناك اغير جو عن مجتمعي واقولهم رحت سياحة وانا اتعالج بس غيرت رايي دامهم نفس اسعارنا بالأضافة لتكاليف الطيران والفنادق هذي ضربة
على العموم الله يكتب اللي فيه الخير وانا كلمت مستشفى ادم وقلت له عطني سعر العملية سحب وترجيع وجميع التحاليل والكشفيات لكنه رفض وقال ممنوع لازم تجي وتقابلي الدكتور وهو اللي يحدد
والله يجزاك خير ويسعدك ويسمح دربك ويسهل عليك

سمعت انة بمصر اذا عرفو انك خليجي يدبلو الاسعار مدري صح او لا اقصد العملية

ريما ادخلي طمنينا عليك عسى المانع خير

‏في رحمة الله سعة كبيرة تسعنا جميعًا، وتسع كل أحلامنا وآمالنا ورغباتنا، عند الله خير كبير، والله عند حسن ظننا الجميل.
‏كن على يقين : أن هناك شيء ينتظرك بعد الصبر ليُبهرك ويُنسيك مرارة الألم ، ذاك وعد ربي "وبشر الصابرين".


اللهم بشرنا بما يسرنا ويفرح قلوبنا
( رب لا تذرني فردا وأنت خير الوارثين )