💕🌸 التجمع الـ (30) لأحلى حوامل التوأم 🌸💕

ساره
طمنينا عن بنتك

حبيبتي ندى توني خااشه بكتب لكم
الله يحفظ لك عيالك من كل شر ولايوريك فيهم باس

رحت للحبيب العليا عند عبدالكريم الربيعه مريح نفسيا مااشاء الله عليه
طمني عليهم وقال مافيهم شي والصوت هذا طبيعي وصدورهم نظيفه يااارب لك الحمد
عطاني فيتامين دال نقط بالرضاعه وغير حليبهم البنت حليب بليميل بلس اي ار ضد الارتجاع لاني قلت له عن شرقتها وقالي هذا بترتاحين معه ولاتستفرغ
والولد عطاني بليميل بلس للي اوزانهم اقل من 3 كيلو يزيد عليه
السره قالي امسكي المسحه الطبيه واعصريها فيه مو تمسحين السر غلط
البنت طلع فيها تسلخ بمنطقة الحفاظ وشخصه انها عدوى فطريه يمكن من الحضانه او المستشفى وعطاني مرهم طبي للتسلخ وبيبانثين
الولد سره بارز شوي قالي احتمال فتق سره ماايقدر يجزم هالحين بس مايخوف لو طلع فعلا فتق احتمال كبير يروح لحاله وع العموم ماله علاج لين يكمل سنه بس ان شاء الله مايطلع صحيح
ونصحني بمخدة الرمل للولد لان راسه يبي له تعديل شوي بما انه كان تحت اخته بالرحم وكانت حاشرته فراسه جاي شوي مسحوب فوق وهي ماشاء الله مدور ومضبوط
قالي اسدحه عليها واثبت راسه عشان يتعدل
رحت مذر كير وسنتر بوينت ولاحصلتها
بي فعلا طمني الله يطمن باله وبالكم جميعا
استغرب من مدينة فهد الطبيه انهم مووب ذاك الاهتمام بالمواليد كل ماسالني عن شي قلت لا

بس سبحان الله حصل لي موقف قلت فعلا خيره
كلمت الحبيب العليا وحجزت موعد عند محمد خليل لبنتي وماكنت ناويه اخذ الولد وباللحظه الاخيره خذيته قلت اتطمن عليه رحت
وع الريسبشن قلت لهم توام وبدخلهم سوا الا وحده جنبي تبي تدخل ع الربيعه وزحمه عليه ومافي مواعيد لين اسبوعين
سالت الرييبشن عن محمد خليل قالت لي جديد قلت مافي غيره قالت لا قلت في نفسي لعله خير
ورحت للعيادة الاوليه ياخذون اوزانهم الا البنت عند محمد خليل والولد عند عبدالكريم الربيعه غلطه من موظفة الريسبشن 😝😝😝
سالت النيرس مين افضل قالت الربيعه قلت الحمدالله جت من الله سهل لي الاسباب واروح للريسبشن واغير الفاتوره حقت البنت للربيعه ☺☺

سلامتهم الاثنين من كل شر يارب وان شاءالله مايطلع فيه فتق ولاشيء .. طيب شوفي امازون يمكن موجودة والله يحفظهم ويبلغك فيهم 🌸..يختي مال الواحد الا المستشفيات الخاصه الله يعين بس

الحمد لله على سلامة عيالك ساره
الله يطمن قلبك