السلام عليكم يا بناتيت انا جيت الحمد لله النت شغاله في البيت الجديد من اول يوم الحمد لله انا علي فكره قريت كلامكم امبارح بالليل عن الموضوع اللي بيشتم في مصر و بعت للمشرفه عصير الخوخ اللينك و حذفته بس بالامانه ليه بتردوا علي المواضيع دي احنا فعلا عندنا الكلام كون اننا احنا او اغلبيه الشغب المصري مش موافق عليه مينفيش وجوده في بلد المفروض انها اسلاميه يعني كل كلامكم علي العين و الراس بس بلاش ندخل في المناقشات دي لان فعلا اذا كان عندهم من تحت التاربيزه احنا عندنا شيلنا الترابيزه من زماااان يارب اهدي مصر للصواب و الحق يارب رمضان كريم يا بنات
صباح الخير يا بنات عاملين ايه وازيكم كلكم ايه حكاية شتم مصر دي ؟
ايه يا رانيا الكلام ده ؟ حتى لو ده بيحصل معنى انهم يقولوه يعني بيهينونا هم ما استحملوش واحدة تقول على بلدهم كلمة ازاى نتحمل اى شئ واحنا اصلا عارفين وهم عارفين كويس قوي ايه مصر دي اللي يا ما عملت دلوقت
انا ما شفتش الكلام بصراحة لكن مجرد ان حد يشتم مكن غير ما اعرف ايه بينرفذني
ومش مسألة تحت الترابيزة ولا فوقها انما مسألة قلة ادب وعدم احترام لمشاعرنا واهانة لنا
واللي مش عاجبه مصر ما يبقاش يجيها ويتفسح ولا يتفرج على افلامها ولا يشتري افلامها ويعمل لها قنوات
والصراحة كنت هاعمل موضوع ارد فيه رغم اني ما شفتش الكلام لكن متخيلاه وبعدين رجعت في كلامي تعرفي ليه لأنهم لا يستحقون على الأقل احنا لسة عندنا ناس بتلبس الحجاب وتصلي من غير ما حد يمشي وراهم بالعصا ، وطالما عمرنا ما غلطنا في حد يبقى المفروض الكل يقف عند حده وما يغلطش فينا
(والله العظيم الشيطان جايب على مخي دلوقت شوية كلام وردود يستحقونها فعلا بس الواحد ماسك لسانه)