التجمع الثاني عشر لـ الحوامل (سيبتمبر و أكتوبر) 💚💚

تسلمين ياقلبي والله ييسر لك ولاده سهله وجميع الحوامل يارب

السلام عليكم ورحمة الله
صباح الخير ياحلوات
ماشاء الله يوم صرت مشغوله هذر في هذر هين بس كل الليل يهذرن
ويوم اني فاضيه اقلب هالجوال مابه ولا وحده ترد علي الصوت


عقاب لكن كل وحده تجي تسوي مساج من راسي لاخمص قدمي😂😂😂


حتى بنات من زمان مادخلن دخلن بغيبتي 😂😂


انتظركم تراي منسدحه وكل وحده تجيب زيتها معها
وسلامتكم






اليوم موعدي الساعه عشر ونص وزوجي الله يهديه بس سافر امس وبيرجع اليوم العصر ناسي موعدي وانا بعد ناسيه لا اذكره المهم يارب احد من اخواني يوديني المشكله نومهم مشقلب مابعد ناموا كل امس اقول لهم ناموا عشان تصحون بدري تودوني للموعد يقولون مافينا نووووووم بنام الفجر 😐

ههههههههههههه اجل همزيني و اهمزك
يوه النوم عند العالم كلها ملخبط بس حاولي تصحينهم حرام يروح عليك الموعد 🙍🏿💕

صباحكم خير نفسي اتمشى في مزرعه كبيره وكلها نخل و الجو براد و فيه مطر خفيف و وشو بعد لا ماابي اقول وانتم معاي لا ابي لحالي 😂😂✋🏼-> امزح

اهلين وسهلين ام مهند حياك ربي وبياك

لا ماهنا تهميز لاحد سبقتك بها


شدعوا وش ذا الانانيه مزرعه طول بعرض تمشين بها لحالك🙄😑

بدال ماتقولين عازمتكم ع مفطح وحالفه ماتجيبون شي
تطردينا 😂😂

الله المزرعه حلو جوها ماشاء الله
امس انا رايحه مع اهلي لاستراحتهم
كلها ثيل وفيها نخل برادات ماشاء الله
واول مادخلنا البيت سبحان الله حر والمكيفات موت يالله يبردن
عاد تدرين امس كم درجة الحراره الظهر الله ينجينا من حر جهنم 44

ماشاء الله ع عزوفه هجت من الرياض للجنوب مطر وبراد الله يهنيهم