💙👬تجمع العمل بالأسباب لإنجاب الأشبال بإذن الله تعالى 👬💙

صباح الخير
مينا ياليت تساعديني والي تبغى بنت متى يكون الجماع دورتي هاذا الشهر 30 يوم يعني يوم التبويض يوم 16
اخلي الجماع بس يوم 15 ايش رايك

حلا الله يسعدك اذا قريتي سوالي ردي علي لاني توي جديده جدا ومافهم بالتبويض

ومن بديت رضاعه ماشفت الدوره الا مره وحده بس وكملت شهر ماجاتني لاني سمعت الرضاعه ترفع الدوره تجي بس احتمال يكون فيه حمل


المهم انا قريت تو وحده من الاخوات تقول افرازات كثيره عرفت انه تبويض انا ماعرف كذا بس اللي اعرف ان فيه جهاز يحدد لك التبويض بالصيدليات هل هالكلام هذا صحيح او لا انا لقيته بالصيدليه قيمته 379 بس احد جربه وهل هو دقيق

بالنسبه للجماع اليومي وحده تقول فوق تو قريت ردها انه اذا كان يومي ومانزلت البويضه ولان الحيوانات الانثويه تعيش اطول مجرد ماتنزل يصير حيوان اثنوي تتلقح والذكري يموت خلال اربع وعشرين ساعه


طيب ماممكن بهالاربع وعشرين ساعه يكون حيوان ذكري عايش ومجرد ماتنزل البويضه يصير في حيوان ذكري يتلقح والا يموت اذا نزلت البويضه

اليوم جربت عزل مع زوجي انه يكون بره الانزال او بالكندوم جربت معاه وصار بره لانه مايحب الكندوم الصراحه عصصصصصصب مره انه كان التنزيل بره وماعجبه هذا الشي وزززززعل مررره اعرفه مايحب هالاشيا ولايصدقها


قال لي اذا جامعتك يوميا يصير الحمل ولد
اذا انقطعت عنك ايام يصير بنت

قلت طيب فيه تبويض انا قريته بالمنتدى قام قاطعني وقال خلاص اللي يجي من الله حياه الله اما تحكمين بشغلي هنا لا والف لا 😡

حسسني فاضيه يوم اوقت له 🤗


مافيه الا هالحل الاخير وياليت توضحين لي وحده بتجمع الاشبال الاخير قالت غسلي ماء زمزم وبعدي عن البيكربونات لاتسبب لك التهاب


يعني عادي قبل الجماع بربع ساعه اغسل بماء زمزم كدش مهبلي

والجماع يكون يومي يحصل الحمل ولد

ولو نزلت البويضه وصار الجماع قبلها هل تتلقح بالحيوان الانثوي والا الذكري وللعلم الجماع يومي


ياليت تفيدني

صباح النور
ممكن بس اللي أعرفه من اللي قرأته وسمعته انك تبداي من أيام الخصوبة يوم ايوا ويوم لا وتوقفي قبل يوم التبويض يعني تبداي مثلا من اليوم العاشر أو الثامن للدورة يوم ايوا ويوم لا الين قبل التبويض بيوم وتوقفي المهم مايصير شي يوم التبويض أو بعده
انا اشوف هاذي الطريقه أفضل من انك تخليه يوم 15 فقط وكثير اعرف صار قبل التبويض بيومين أو ثلاث وجابوا بنات المهم يكونوا الاسبوع اللي قبل التبويض ... والله أعلم
وربي يرزقك ماتتمني

ما اقدر أأكد لك لكن في غسول بيكربونات كانت تستخدمه اختنا لامنور وماشاء الله طلعت حامل بولد ويارب يجيبه بالسلامه لها
تستخدم غسول فاجيل يوميا قبل العلاقه ولما جاء وقت تبويضها تغسل قبل العلاقه بوقت طويل مثلا الصبح والجماع بالليل
بس هي جامعت يوميا لحد يوم 9 الدوره ووقفت وبعدين جامعت يوم 14-16
حاولي انك لو زوجك موراضي بالعزل خلاص خليه يومي داخل لان حتى لو ماتت الذكريه تجي ذكريه غيرها لان الحيوانات تستغرق 7-10 ساعات عشان توصل لداخل الرحم عشان تنتظر البويضه مو المهبل ....
وزوجك شكل اصحابه معلمينه ان الجماع اليومي ولد يمكن يعرف كم واحد خلفته اولاد وعلموه
بالنسبه لاشرطه التبويض انا مجربه نوع مدحته اختنا ناس مره رهيب ورخيص ودقيق ... واغلب بنات التجمع يستخدمونه
اسمه ارترون ب80 ريال تقريبا فيه 7 اشرطه اشتري لك علبه او علبتين اللي يريحك وبعدين اعلمك طريقه استخدامه بس ترى الطريقه مكتوبه بالورقه ومحطوطه الاوقات اللي تستخدمين الاشرطه فيه
وبالنسبه للرضاعه ماعندي علم لكن .. لاتفطمين الحين ححرام انتظري شوي واعملي بالاسباب لكن لو قررتي الحمل استخدمي حبوب دوستنكس تنشف الحليب بسرعه وخلي الدكتوره تعلمك الطريقه يارب يرزقك ويرزقني ويرزق كل بنات التجمع بالاولاد الصالحين يارب

لا احسه مره قريب من التبويض
حاولي يكون الجماع من بعد الدوره يوم ايه ويوم لا
او يوم ايه ويومين لا
عشان يمديها الذكريه تموت لكن لو تبويضك يوم 16 وجامعتو يوم 15 يمديها الذكريه تعيش ليوم التبويض
انتي احسبي الساعات وشوفي
لو حتى يكون جماعك يوم 14 اخر ساعات من اليوم
لكن لازم يكون فيه جماع من بعد الدوره مو بس قبل التبويض