قالت لي ياام الرفوف😁😁
مساالخير يابنات احنابحمدالله بنينا بيت جديد ووصلنا لمرحلة التركيبات تبع السباكه والكهرباوأمس تناقشنا انا وزوجي في موضوع المغاسل قال انو يفضل الخزف السعودي انتِ شو تبين قلت ماابي من الخزف ابغى نوعيه تمام ودخلت لقوقل وسويت بحث طلعت بنتيجه مفادها انو الخزف السعودي احلى شي ومن تجربه شخصيه اناعندي في بيتي الحالي من حوالي 10سنوات والله كأنها جديده المهم قلت اتوكل على الله وخذ من الخزف السعودي وبعد ابيها عاديه بس شكل حلو وناعم ماابي دشدشه وخرابيط ولاادراج ولاخشب الرجال راح من هنا وانارحت بيتنا وعلمت اختي قالت ليش مااخذتي اللي فيها ادراج وتحطين اغراضك ومنظفاتك وحلوه للضيوف وشكلها مودرن المهم غسلت شراعي ويوم رديت البيت لقيت زوجي اشترى المغاسل وقال بوديها البيت الجديدتعالي شوفيها شكلها مره عجبني ولونها بعد رسلت لأختي ترى فلان شرى المغاسل قالت خلص خليها عندك سنه وبعدين غيريها وخذي لك الحين رفوف لأغراضك ياام الرفوف😔انتو شو رأيكم اغيرها قبل مانركبها واخذ ام الأدراج الخشبيه مع اني احسها قديمه قريت انها موديل الستينات وشكلها بصراحه مو عاجبني وكمان خشب مع المويه اتوقع بتخرب مع الوقت شوروا علي يابنات وجزاكم الله خير سبحان الله وبحمده سبحان الله العظيم 🌹🌹🌹وللمشرفات الله يسعدكم لاتنقلون الموضوع ابي اكبر قدر من الردود خلوه هنالاهنتو❤️️