شاركي في النقاش

سجلي الدخول لإضافة تعليق.

التعليقات

2,020
  1. @frh_oalm_1

    اللي تسال عن البيت كيف تنظمين شغله وعندك عيال
    أول شي لازم بيتك يكون مهيأ للأطفال
    يعني لو قام أحد من عيالك وهو صغير وانت نايمه ماتشيلين همه أبد لانك مأمنه البيت
    من الأمثله ع التأمين
    المطبخ وهو أهم شي بالبيت وأخطر مكان ع الاطفال
    روحي ساكو واشتري باب بلاستيك حاجز صغير للاطفال وثبتيه عليه
    والله راااحه راااحه وكل من شافه ببيتي ع طول راح واشتراه
    ثاني شي الكهرب الاسلاك التوصيلات شيليها كلها لايكون شي قريب منهم
    مواد التنظيف حطيها بالمطبخ بمكان مرتفع واذا بتجيبين الباب خلاص بترتاحين بس احتياط الافضل يكون بعيد عنهم
    التحف الزجاج كلها ارفعيها والله يعينك اذا جاك ضيوف رجعيها
    اما بالنسبه للضيف الجديد جيبي جهاز من سنتر بوينت تبع متابعة الطفل لو كان نايم حطيه بالغرفه والثاني عندك بالمطبخ او بالمكان اللي تكونين فيه مررره حلووو حتى بعد مايكبرون شوي وبتفصلينهم بغرفه لوحدهم وقت النوم شغليه عشان تتطمنين عليهم
    اما شغل البيت انا عندي اجهزه وانصح الكل يشتريها ويريح راسه
    واما وقت النفاس لازم شغاله باليوم حق اسبوعين ثلاثه او شهر وبعدها شوي شوي لين تخلصين الاربعين لاتضغطين ع نفسك او ع نهاية الاربعين تصيرين تجيبين الشغاله بنهاية الاسبوع تنظف تنظيف كامل للبيت ويصير عليك اشياء بسيطه حتى تتطمنين ع نفسك أنك تمام وقادره تشتغلين زين


    والله يعيننا ويعينك ياارب
  2. @rnyn_alghd

    زوجه عشقها. واطياف راحله
    اهلا نورتو التجمع
    رحايل الله يعينك والله الشغالات شر لابد منه
    فرح هلا وسلامتك الله يفرح بضناك وترتاحين يارب
    وعيالك خليهم يساعدونك مافيها شي انا والله من يوم حملت صارو يسووا اغلب الاشياء
    واهم شي ارتاحتي من الطبخ فرصه خليك تعبانه لين الولاده😜
  3. @am_ryma_omtaab

    ولادتي باذن الله
    15/11/2016
    كيف الاجواء بارده نجهز شتوي ؟ولا ربيعي ماودي اشتري صيفي وماراح استفيد ولا ربيعي ويكون خفيف ولا شتوي ويكون حر
    ابي اتاكد من الجو كيف بيكون باذن الله بستغل التخفيضات حاليا
  4. @am_ryma_omtaab

    اخباري بعد ماوقفو المدينه الطبيه ملفي تقريبا شهرين فتحت ملف متابعه بمستشفى فكتوريا
    وتعبت من اعصاب رجلي اليمين تتحرك لاشعوري وعطوني فيتامين ب12 وحسيت بفرق الحمدلله كبيييير خف الالم والحركه الا شعوريه
    امس سويت اشعه الوضع تمام والمشيمه ضخ الدم ممتاز بالدوبلر
    انا عندي مشاكل بالمشيمه بكل حمل
    والحمدلله بهالحمل مع المسيلات الحبوب والابر الوضع تمام وماشي بالطبيعي
    حرصتني الدكتوره عالحديد لو يوم وراء يوم بس ماوقفه مع ان الدم تقول 11 ممتاز بس الحرص ممتاز مع الكالسيوم والاسبرين وابرالكليكزان
    انتضر موعد المدينه الطبيه باذن الله وترجع الامور تمام للملف صار لخبطه شوي وتوقف ملفي والان كلموني رجع الحمدلله واخذو لي موعد عالاسبوع الجاي
    هذي اخر اخباري
  5. @rnyn_alghd

    هلا فيك ام ريما وسلامتك والله يفرح بشوفت جنينك بخير وصحه
    اتوقع ان ولادتك بتكون بالهجري شهر 2 فبيكون لسى مابدا البرد يمكن يكون الجو حلو نوعا ما لابرد ولاحر بس شوي ويبدا البرد بعدها بكم اسبوع
    فخذي كم لبسه خفيفه والباقي وسط وكم لبسه شتوي ثقيل اصلا الطفل لازم يدفى حتى لو الجو حلو لان المكيفات او اي هوا خفيف ياثر عليهم
    وعلى حسب منطقتك انا في الطايف اذا طلعنا برى حتى في الصيف احتاج جكيتات عشان اذا جاء هوا بارد يكون عندي لهم دفى

تابعي تجارب أخرى من هذا القسم.