تجمع القيصريات 🌹🌹

تلاحظون شي
مواضيع وردود الاخوات بالمنتدى حسستني ان القيصري شبح مخيف وان اللي تسويه حياتها انتهت الكل يصبرها
طيب سبحان الله ممكن تولد طبيعي وماتجيب الاواحد
انا والله عمليتي الاخيره جلست بها سااعتين ونص وانا صاحيه ولكم ان تتخيلو النفسيه ،،العمليه صارفيها فك التصاقات وبلاوي
والان حملت عليها بدري والحمدلله
احاول اكون صابره متوكله والله مايخيب من التجاء اليه
والحمدلله انها مخرج لنا ورحمه من الله

حبيبتي ,, أنا صديقتي حملت بعد القيصرية ب 5 شهور وولدوها طبيعي .. بس روحي لمستشفى حكومي أو طبيبة شاطرة وصبورة ..

أنا حملت بعد القيصرية بأقل عن سنة والمفروض أولد طبيعي ولكن الحين طلعت لي مشكلة المشيمة النازلة يارب ترتفع وأولد طبيعي ياااارب

طبعا مخيف .. لأن وراه مشاكل التصاقات وازالة الرحم وممكن سرطان بعيد الشر .. القيصرية قص في 7 طبقات في جسمك لو طبقة وحدة منهم تعبت راح جسمك ..

القيصرية بس للضرورة القصوى وهي موب شيء هين ولا حد يهونها ويخلي الحريم يتساهلون فيها لأنها جد شيء مؤذي وكبير لازم نتجنبه ,,

وأنا جربت الولادة الطبيعية والقيصرية وياااارب ما تنعاد علي القيصرية ولا أذوقها مرة ثانية يارب

انت ياختي ظروفك ماشاءالله غير
لاكن للي مثلي ومشكله مماثله عظام حوضها مقفله على بعض ومستحيل الطبيعي
ياقيصري ياتموت
هذولي المفروض مايتخوفون كفايه اللي فيهم
انا ماجربت الاالقيصري اجلس اسبوع هلكانه حتى الشبشب الله يعزكم ماقدر البسه
لاكن برضه نحمدالله ونشكره لانحرمنا من الخلفه ولاصار لنا شي فالعمليات ولله الحمد
مع انه عندي المثانه فيها مشاكل ولاكن احمد ربي واشكره
واحب التفاءول
ماحب افكر فالهم يجيني
واحسن الظن بربي الرحيم
وياكم وحده اصابه سرطان الرحم بدون قيصري وياكم وحده ماتت وهي تولد طبيعي
وكم وحده شالت رحمها وهي امورها طيبه وطبيعي
خلاص الله كتب لنا شي
ربي امنا بماكتبت ورضينا به ياارحم الراحمين
اقول هالكلام لنفسي ولاخواتي القيصريات

ع فكره تجمعنا اللي قبل 6سنوات
كنا ندلع بعض باننا قياصره وملوك من باب الدعابه😂

اسال الله ان كل من تتمنى الطبيعي ان ربي ييسرها لها
ومن بتولد قيصري ان يهونها عليها
وعلى فكره وحده من صاحباتي بنت عمها جايبه طبيعي بعد6قيصري
يعني لاتياسو من رحمه الله