شاوروني بنات تعبت

السلام عليكم ورحمة الله وبركاته ..
بنات كل واحدة فينا تحب تسمع اراء بنات جنسها اليوم انا اتمنى تساعدوني..
انا متزوجة لي 7 سنوات تزوجت صغيرة مرة كان عمري 15 سنة ومن اول سنة ولدت الحمد لله مرت حياتي على خير لين كملنا الخمس سنوات يعني قبل ماتخلو من مشاكل بس عادي كأي زوجين وككل الازواج من اول سنة من زواجنا يقولي راح اتزوج ثانية وما كنت اهتم وبعدها مرت علينا سنة صارو فيها مشاكل قوية دخلو فيها الشيوخ وانا تركت له البيت وبعدين رجعني وبعدين انفتحت السالفة مرة ثانية وزيادة على ذالك كشفته يكلم وحدة يبي يتزوجها وانا زعلت ورحت لاهلي خلاص قررت اتركه وهو بعدها بشهرين تزوج وانا ماعندي خبر ولا حد قالي بلعتها وانا من النوع الي اصبر وما احرم حلال دخلو بينا الكبار واهل القبيلة واشترطت عليه اسكن قريب من الاهل وللعلم بيتي انا دهلت بيه الزوجة الثانية حتى غرفة النوم صارت لها كل شي المهم من هذا كله صاير زوجي معي يصرخ على اي شي ويهيني بكل شيء تخيلو انتظر منه كلمة بس حلوة والله ما القاها يعني ما يعرفني الا وقت (.....) وبس ومع العلم انا شفت تعامله مع زوجته الثانية كيف والله بس صوته هادي وما يصرخ ولا وانا الي احاول قد ما اقدر لما يكون موجود ما اصرخ ولا اي شي بس تعبت نفسيتي من تعامله وزوجي نمطه شمالي شرقي

21 تعليق 3,104 مشاهدة

شاركي في النقاش

سجلي الدخول لإضافة تعليق.

التعليقات

19
  1. الله يعينك فعلا شي يقهر بس مابيك شي اذا هو تعامله معاك زق حطيه علي الرف وخلاص اعتبري روحك مو متزوجه وعيشي وربي عيالك وحتي حقه الشرعي مع انه حرام تمنعيه منه بس اذا هذا فعله لا جاك قولي له مافي عاملني مثل الناس اصير لك جاريه اما كذا وفوق هذا تأخذ حقك ومعامله زفت لا تمردي عليه شوي ممكن لا تمنعتني عنه يتغير ويحس
  2. @tbaay_aaagb_zogy

    1. انتي متعلمه ؟؟
    2. اتوقع زوجته الثانيه عرفت كيف تتعامل معاه من رومنسيه ودلع وكلام يدوخ راسه بس انتي حاااولي بالي تقدرين عليه ياااارب الله يحنن قلبه عليك
  3. @mryom_bnt_aamr

    صاحبة الموضوع
    fatoomah123
    الله يعينك فعلا شي يقهر بس مابيك شي اذا هو تعامله معاك زق حطيه علي الرف وخلاص اعتبري روحك مو متزوجه وعيشي وربي عيالك وحتي حقه الشرعي مع انه حرام تمنعيه منه بس اذا هذا فعله لا جاك قولي له مافي عاملني مثل الناس اصير لك جاريه اما كذا وفوق هذا…
    هه الله يعين وبس يا اختي علد حتى من حقه انا ما اعطيه الا لاني ابيه لنفسي مو عشانه بس قبل امس قال كلمة ..قبل ما كنتي تقربين وانا والله عكس ذالك بس لما كان طفلي صغير واتعب كنت بعض المرات ارفض فقالب الحين لما شفتي زوجة ثانية صرتي تبي قربي فقلت له والله بس لاريح نفسي ولا انا اخليك تجري وراي ولو معك زوجة ثانية وقالي بنشوف يعني تصطفلي ؟!
  4. @oklar

    حاولي بالدلع و الرومنتك اذا مافاد التطنيش يفيد يعني اعتبريه والجدار واحد :)
    الله يعينك عليه :)

تابعي تجارب أخرى من هذا القسم.