التباشير السادسه لمواليد (يوليو &اغسطس)🌾

ام فارس
الف الف مبروك العروسه تتربى بعزكم الله يجعلها من مواليد السعاده والبارات الصالحات

السلام عليكم


ماشالله تبارك الله الف مبروووك لكل اللي ولدوا بعدي الله يجعلهم من مواليد السعاده ويصلحهم ويهديهم
جايه اقولكم اكشني واتطمن عليكم


ماصدقت البنات ينامون الله يصلحهم ذي تصيح وذي تتطلب بنات اللي عندها اكثر من طفل شلون توفق بينهم
اليوم اول يوم بالبيت واحس انهررررت امي تعبانه من جلسه المستشفى ونامت ياقلبي واختي جتها الدوره وهي تتعب تستفرغ وتتالم فتوهقت بالبنتين ويوم ناموا جيتكم ابقول اكشني بسرعه وانام لي شويات

حيا الله خلصت
حمد لله ربي يحفظلك بناتك ويهديهم
ننتظر الاكشششن

لا تقطعين خليك متواصله معانا
💕💕💕

1. اولا الحمدلله حتى ترضى ولك الحمد اذا رضيت ولك الحمد بعد ذالك كثيرااااااااا

تذكرون يوم اروح لموعدي للطلق الصناعي ورفضت الدكتوره تدخلني قالت معك بدايه طلوق والرحم مفتوح سانتي روحي للبيت وبتجيك الولاده
طبعا رحت وهذا اسوء قرار اتخذته بحياتي المفروض ماشيه على كلام الاستشاري بس الخيره مايندرى وينهي
طلعت وصرت امشي كثير واكل تمر واتروش بماء حار والطلوق بدت تزيد بس باااااارده والطلق الم بسيط جدا زي الم الدوره ويمكن اخف منه
وقعدت من الثلاثاء لين الخميس العصر جت الساعه 3 وكنت نايمه وانا قبل انام قعدت اصيييح 😭😭😭وادعي الله يفرجها علي واولد وصار موقف بيني وبين زوجي الله يهديه وزود الطين بله قهرني وزاد همي هم وقعدت ادعي واصلي واشكي لربي اللي الحمدلله ماخيبني واستجاب لي نمت من الساعه 9 الصبح وانتبهت الساعه 3العصر على الم يعصرني قوووووووي ويجي بانتظام كل 3دقايق بديت امشي ويجي زوجي من الدوام وبسرعه اخذ بنتي ونروح للمستشفى وبالكشف قالت 4سانتي قلت الحمدلله وزوجي يوقع الاوراق انفتحت المويه وكبت ولونها اخضر على طول على غرفه الولاده وهناك اللي ولدني دكتور يالله تستر علي بس بلحظتها مافكرت بشي لانه على طول ركبوا علي طلق صناعي وكل شوي الدكتور يقول للممرضه فاست فاست وياشر على المغذي مررره مؤؤؤلم ويتكلمون انه المويه بتخلص والطفل متبرز طبعا انجليزي بس انا قاهمتهم بس ماادري وشالخطر او عادي الوضع
المهم بدا الدكتور يوسع بايدينه الثنتين والممرضه بكوعها تدف البنت 😭😭😭😭
والحمدلله قبل المغرب جبتها ياربي لك الحمد
وعلى طول جابوا لها دكتور اطفال وطعمها وكشف عليها اخذوها عندهم وتطمنت عليها ورجعوها لي الله يبلغني فيها


الاخطاء اللي سويتها
الاول وهو المهم اني مامشيت على كلام دكتوري اللي انا متابعه معه ومشيت على كلام دكتوره الطوارى اللي ماتدري عني ولاتابعتني
والثاني اني كنت اخذ ملين ممكن هو السبب الله اعلم
والثالث جبت بنتي وزنها زين ماشالله تبارك الله وصعبت علي الولاده والدكتور يقول من الحلا والاكل الخطاء وانا من رمضان مقالي وحلا علشان اريح لي بالطبخ
ولاااكل لاخضار ولا فواكه ولاشي يفيد فجاني امساك واضطريت للملين ووزن بنتي زاد على غير سنع وصدقت دكتوره المستوصف اللي قالت لي بتجيبين بيبي وزنه زين وبتتعب ولادتك على انه امي تقولي انها جابتني نفس الوزن وكانت اسهل ولاده بس اللي عسر ولادتي واخرها الامساك
وطولتها وهي قصيره الحمدلله رب العالمين صح اني تعبت شوي بس الحمدلله وماشالله تبارك الله ماطولت
اشتاق للنوم وعجزت انام على بطني 😂😂😂😂 ماادري خوف والا وش سالفتي

خلصت الاسامي
الحمد لله على سلامتك
الاستشاري ايش نصحك ؟
لاني دخلت الاسبوع 40 واخاف يتكرر علي مثلك
اما الاطفال دوبها بنتك نونو و جسمك مكسر
اذا انتظم نومها راح ترتاحين
وبنتك كبيرة البكرية
لا تشيلي هم