التباشير السادسه لمواليد (يوليو &اغسطس)🌾

هلا بك ام فارس
الحمد لله على سلامتك وعقبالنا ربي ييسر لنا زي ما يسر لك ما شاء الله تبارك الرحمن
ننتظر الاكشن.

الف مبروووك اللي ولدوا


ام شهودي ترا باقي بدري توك اسبوع انا حمودي توه يطيح امس اعصري عليه مسحه واصفطي البامبرز عن المنطقه


بنات نصيحه ناموا واشبعوا نوم اتركوا عنكم هم الولاده والله بيومين طلع لي هالات سوداء تحت عيوني وظهري بين الاكتاف مره الم مو طبيعي ماانام تخيلوا لازم كل ثلاث ساعات ارضعه ويتعب بالرضاعه ينام صرت اشفط واحط برضاعه اليوم وهو نايم انقطع نفسه انفجعت الله لايفجعكم بغالي انام شوي واقوم اراقبه شوي الشاش للحين ماطاح حاولت افكه بس خفت احط زيت زيتون مع كل تغيير




بسالكم الوالدات كم مل تعطون اطفالكم انا الدكتوره تقول لازم 60 احسها واجد عليه قلت اقسمها له كل ساعه ونص رفضت قالت لازم الوجبه ياخذها كامله

ننتظر اكشنك ام فارس


ام دانة
اسم مالك حلو مو شين لهذي الدرجة
بس الشيء اذا جاء بالغصب او بالعناد الواحد يكرهه غصب


زيت الخروع قد جربته بس كان طلقي خفيف
وتحسفت اني شربته
وقت ما اطلق كان قولوني متعبني بسبب الغازات
حتى وقت الدفع جنوبي توجعني
وقلت التوبة استخدمه

صباح الخير حبيباتي ❤❤
ياحلوكم و ياحلو كلامكم على قلب واحد ماشاءالله علييكم ماشفتكم الا خوات
الف مبروك للي ولدو و ربي يهون على التواسع الباقين وانا منهم 💔😘
ياطول شهر التاسع طولاه وياثقل دمه


شفت كذا وحده تسال عن نظام نفاس وايش فاد وايش اللي مافاد
واللي تسال عن الخوا جوا للخياطه والبواسير
انا مو بكريه الحمدلله عندي ولدين و هذا حملي الثالث ياربي لك الحمد و بقولكم ايش اللي ماستغني عنه وقت النفاس و يفيدني من جد ...
اول شي خلطة الخوا جوا للخياطه
مكوناتها : ملعقة خواجوا مطحونه- ملعقة مر مطحونه - فازلين علبه صغيره - زيت زيتون
تجيبين قدر وتحطين فيه مقدار نص بياله زيت زيتون وتخلينه يحمى شىوي و تحطين فوقه الخوا جوا و المر و تخلينه يغلي غلوه او غلوتين وتطفين عنه وتصفينه بمشخال وبعدين تحطين عليه علبة الفازلين وتتركينه يدفى وترجعينه ثاني مره لعلبة الفازلين و لما يبرد بيكون قوامه ثقيل بالضبط زي قوام الفازلين وتتركينه بدورة المياه وتستخدمينه مرتين باليوم تدهنين فيه مكان الخياطه و اللي عندهم بواسير بيفيدهم وااااجد 👍🏽 و الخياطه بتلتم بسرعه وتطيب


الشي الثاني مع الوجبات الرئيسيه مالنا غناة عن الحلبه طبعا
و السفوف مرتين يوميا قبل الفطور و قبل العشاء لازم ناكله بعضهم يسمونه سفوف وبعضهم لهوم واللي تبي مكوناته تقولي ..


الشي الثالث وقت العصريه او الظهريه اتقهوى على شوية عنزروت احطه بقاع الفنجال حاجه خفيفه مره و اصب عليها القهوه والافضل تكون بدون هيل او قهوة قشر


رابع الشي ( شاي النفاس ) تخلطين بعلبه من قبل وتجهزينه احسن لك مقادير متساويه من ( اليانسون - الزنجبيل - كمون - قرفه - شمر ) تخلطينهم بالخلاط وتحطين كل يوم ملعقة كبيره ونص بالترمس وتصبين عليهم موية حاره وتخلينها شوي وتبدين تشربين منها


خامس شي خلطة الحليب وتشرب الصباح تخلطون بعلبه
(كاس ماش -نص كاس شمر -نص كاس حلبه -ربع كاس حبه سودا -ربع كاس كمون -ربع كاس فلفل ابيض -ربع كاسفلفل اسود -ربع كاس سكر نبات )

وتستخدم ملعقة وحده كبيره مع الحليب كل صباح
هالخلطه عجيبه وكل من استخدمها انبهر تنشف و تنظف من الافرازات و تضوق صحيح حاره بس حلووووه مره واللي ترضع طبيعي تقلل من كمية الفلفل بس ماتلغيه لان السر فيه


وهذا نظامي بنفاسي وزي العاده خلال 14 يوم اطهر و خياطتي ب 19 يوم تنفك وجرحي يبرا الحمدلله و ارجع عروسه
لا افرازات ولا هوا ولا اي شي
يارب اكون افدتكم لان هذا اقل شي اقدمه لكم لاني استفدت منكم كثير و كنت متابعه فقط
ربي ييسر ولادتي و ولادتكم يارب ❤❤❤❤

انا نظامي حلبه وحليب مع عسل الصبح مع توست او تمر ع حسب المتوفر
خلطة الزنجبيل والفلفل الابيض والماش احطها مع الاكل او مع حليب يقولون حلوه للهواء والماش للظهر بكره ان شاءالله بلغي الحلبه واسوي تمره مع رشاد
اكلي جداً سيء ماافضى اطبخ لي وقتي اول اروح للحضانه وارجع مالي خلق اسوي شي واللحين يوم طلع ولدي ماصرت الحق افطر انتظر لين يقومون اولادي الظهر وناكل نواشف وفول
والعشاء بيتزا ساندويشات احيانا مرقوق مرق لحم والله يعين باقي عشرين يوم بحاول انتظم