👼🏼 🍼تجمع (2) امهات ( يناير -فبراير ) 2017 🍼

في منها حتى للمراتب الكبير عشان تحمي المرتبه ماينكب عليها شي

يختي حتى لو تمتص حرام بيبرد 😢 والمكيف شغال واللحاف اذا ولدك مثل بنوتاني مايجلس عليهم
عني انا مريحه نفسي وفي الليل البسهم حفائض وكله عشان اخاف يسوونها ويبردون لاني مع الحمل اذا نمت ماعاد اقوم
الكبيره قربت اربع سنوات
والصغيرة ثلاث سنوات
وامي تخاصمني وتقول لازم اصير اصحى وسط الليل و اوديها الحمام ومن يوم حملت ماعاد قدرت فصارت تبلل نفسها ياحياتي وتبرد😩

تقريباً اعمار بناتك مقاربه لبناتي الكبيره 4سنوات والصغيره سنتين ونص
الله يحفظهم هذا السن متعب و سن عناااد بكل شي

للحين ماخبرتهم اني حااامل ولا ودي بس خاطري امهد الكبيره انو بيجي بيبي مره فتحت معها الموضوع قلت لها تبين يجينا بيبي قالت ايوه خذي من الناس بيبي بس انتي لاتجيبينه من بطنك وفجعتني جلست تبكي تقول بتموتين لاتجيبن لنا نونو مانبيه ارميه من الشباك اذا رحتي الحمام هنا انا انا بلعت العاااافيه 😰استمدت الخووووف من بنت اختي الصغيره دايم تقولها مابي ماما تجيب لنا نونو لو جابت بتموت 😰
وكنت لابسه لبس ضييق شوي وكنت اشرب مويه جات صرخت قالت ماما بطنك فيها نونو اشوفها كبيره قلت هذا من المويه صارت شوي كبيره ماعندي نونو انا ولاشعورياً ضربتني بقوه على بطني قالت كويس مو نونو عشان ماتموتين عنا😰

ياخوفي اختها تتأثر بأفكارها وتصير مثلها 😰

ياعمري عليها الله يحفظهم اذا انتي ناويه تخبين حملك عن الناس لا تقولين لبناتك حتى لو كبر بطنك قولي من الاكل وترى عادي مو شرط من الحين تقولين لهم خليها بعدين

مشكوره لكل وحده افادتني بتعليم بنتي للحمام مضطره اعلمها 😰لانها رافضه البامبرز بكل الطرق ماتبيها والله يسهل علي وعليها تتعلم بدون ماتتعبني
للحين وضعنا مراكض مداومين بالحمام 😂😂 لين يومين على هالحاله ان شاءالله ماتمر اسبوعين الا ضابطه الوضع ومسيطره عليه