رسالتي لزوجي وكني ارسلتها لاخوي

مدري ليش التعليقات قاسية وانانيه




هي تحب زوجها وماسوت شي حرام




هي لدرجة متعلقة فيه عادي كلنا متعلقين بازواجنا




بس هو الي ما قدرها ولا حافظ ع حب صادق




ما دري ليش الدنيا مقلوبة ياربي رحمتك
الزوجة الي تموت بزوجها مايفتكر فيها والي ما تفتكر فيه يلحق ورآها


والمتزوج عادي يحب وحده متزوجة وتكون علاقات ومسوين حب وغرام
كل شي عكس ياربي الدنيا بتقوم من سوادت الناس الي يسونه
ونصيحة للصاحبة لا عادي ترسلين له شي من كذا يحقرك
لكن حقريه بتشوفيه يكلمك
الرجال مايحب وحده تجري وراه هذا واقع
الله يرده لج يارب ويقدرج ويسعدج

أسأل الله ان يصلح حالك ويسخر لك قلب زوجك ويبعده عن الحرام ويجملك في عينه وتكوني ملاك قلبه ويألف بين قلوبكم
اختي انا ماادري اش وضع زوجك ومدى تقبله ل رسالتك بس شيئين اعتب عليك فيها . ذكرك مدى نظرات اللوم والعتاب من اهلك لو استبدلتيها بكلام عن تقديرك لوقوف اهلك الى جانبك ومدى سعيهم ومحاولتهم اسعادك
الثاني تطرقك لذكر المرأه اللي يتواصل معاها وان ماعاد يهمك امرها وحبه لها عن مجرد وجودك في حياته ليش ترضين على نفسك ماراح اكتب لو استبدلتي ولو ولو ماراح ينفع في كثيييييير كلام لو استبدلتيه بشي يرفع من قدرك ويبين مدى كرامك وعزتك لنفسك وانك انسانه ماترضين بالخطا عليها
انا فووووووق كل اللي كتبته لك اوافق الاخوات مع اتركيه ولاترسلين له سعيتي بطريقتك بما فيه الكفايه لاصلاح حياتك معاه
استعيني بالله واكثري من الاستغفار والأذكار والصلاة على النبي وقراءة القرآن وربي بينور لك حياتك ويوفقك

ربي ينصرك ويرده لك ابشرك انا مارسلتها له انا كتبتها وبكيت وحفظتها ولما كلمني سولفت وضحكت العاقبه لصابرين ومو مجنونه اهد بيتي بيديني كل الحكايه تجيني لحظات اضعف واخاف اهد عشي بيديني وادري ان اللي صابني تكفير لي
كلمني قالي ودي اجي من شغلي بس مجبور ارجع قلت له لا يابعد عيني خذ راحتك لماتخلص تلاقيني انتظرك ومين ينتظرك غير محبوبتك انا بوقف ع سكة القطار وانتظرك بوجيه المسافرين الظاهر انه فهم المغزى قال الله يخليك لي قلت له امين
مع العلم اني اقصد اللي تمنيته يفهمهانه يرجع لي وانه مغيب عقله ويفعل الخطا
واني انا الوفيه له
وان مايصح الا الصحيح
لانه عارف وواثق اني ماتصلت ولاحاكيته لي يومين من راح لشغله هو اللي يدورني يعني يعرف بقرارة نفسه شقصد بالانتظار

ماكملت قراءة بس يااختي اشكي لله لالاخوك ولا غيره الله يفرج همك