حياكم ربي جميعا
رح أقولكم الشيء اللي مضيق صدري مرة .. وخائفة أسوي تصرف وأندم خاصة اني حساسة لأبعد درجة
رجاءً ما أبغى أحد يجرحني أو يقسي علي بالكلام .. ابغى رأي الحكيمات فقط ..
الموضوع بإختصار شديد ..
أنا غير متزوجة عمري 33 و رح أتزوج عن قريب .. المشكلة وين ؟
أمي ما أبيها تحضر عرسي .. مب لاني اكرها بالعكس أنا أحبها وهذه أمي بالنهاية اللي ربي وصاني عليها
بس المشكلة في شكل أمي .. وردة فعل الناس لما يشفونها
يعني أمي مرررررة سمينة مرررررررة وقروية يعني تحب تلبس أشياء قديمة و تحط حناء وشعرها دائما جدايل ولما نشتري لها أشياء حلوة طقم تيور أو جلابية تزعل ومستحيل تلبسها حتى كلامها وأسلوبها يعني أي واحد يشوفها يحسها قروية مع أننا ساكنين المدينة من أكثر من 25 سنة حاولت أغير فيها وتنحف وتصير رشيقة تحط مناكير بدل حناء تلبس طقم الماس بدل الذهب الأصفر ( غوايش ) بس مافي فايدة
الناس لما يشوفونها مايصدقون أنها امي ابدااااا دائما يتخيلون أمي شيك ورشيقة وتلبس وتكشخ ونفسي بالضبط يعني يحسون اني متأثرة بأمي ..بس أول مايشوفونها صدمة في وجيههم وبعضهم يقول أمانة هذه أمك ..!! أنا أقول كيفك و ش لونك ؟ أمي تقول وش لونس وش أخبارسسس تعرفونها السين تبع القراوة ..
نظرة الناس لي وردة فعلهم خلتني أفقد الثقة في أمي ..لدرجة ما أروح المكان اللي تروحة ابداااااا .. المشكلة زواجي رح يحضره الأغلب صديقاتي وجماعتي ما أبغاهم يشوفونه ..أحس خاطري أغير فيها أو أخبيها على العالم أو لا أحد يعرف أني تبعها .. وش الحل هل أصارحها وأقولها لاتحضرين وأقول لها الأسباب ؟ هل أخلي أختي الكبيرة تقول أنها أمي وأكذب على صديقاتي ؟ هل أكنسل فكرة الحفلة علشان ما أحرج نفسي أنتم لو بمكاني وش رح تسووون ؟
بالنهاية أقول لك وحدة أمها شيك و تهتم في منظرها يا بختك .. ما تتفشلين من أمك .. بالعكس أحسهم يفتخرون في أمهاتهم .. كثيييييراً حتى الأم لما تتكلم تحسينها راقية جدا ..
الموضوع مغلق