التباشير السادسه لمواليد (يوليو &اغسطس)🌾

شيفوون اسمي لم اجده يبدو انه سقط منك سهوا
سجليني من بنات اوغسطس تاريخ 30 😫😫😫

السلام عليكم
اخواتي انا عطوني موعد للطلق تاريخ 17يوليو
ورحت الموعد وعطول ركبوا لي جهاز اللي يقيس الطلق والنبض
وحصلوا معي طلق مع اني مااشعر به هالكلام كان على الساعه 10 الصبح .. بعدها خبرتني الدكتوره ان ماينفع تعطيني طلق وانا معي طلوق ظاهره فالجهاز
فخبرتني اكون تحت الملاحظة
جت معي اختي وبديت امشي اساعد ع زياده الطلوق اللي خبروني عنها انها موجوده ومشيت لين تعبت وياست خبرت اختي بروح انام بس كنت لما امشي اشعر مثل الحاجة اللي تدفع
ولما اجلس كل شي يروح ..
المهم اليوم الثاني يوم 18يوليو ركبوا لي الجهاز مره وحصلوا كل الطلوق مختفية وقرروا لي طلق حطوا لي الطلق الاول الساعه 7:15 الصبح وتمددت ساعه عالسرير بعدها خبرني اروح امشي ويابنات مشيت لين تعبت وكان معي احساس انه بيفشل ولابيجيب نتيجة وفعلا
جت الساعة 3:45 وعطوني الطلق الثاني وهنا جاني خوف بديت امشي وادعوا ربي يسهل عليه واكثر مشي مشيت 50دقيقة متواصله
بعدها خبرتني الدكتوره ان ع الساعة 11:45 بيحطون الطلق الثالث اذا ماجاب نتيجة الطلق الثاني
الحمدلله الحمدلله الحمدلله في تلك الساعة اكثرت من الاستغفار واحوقل وقرات سورة يس على بطني ودعيت ربي يفرج عني
ع الساعة 5:30 حسيت بطلوق منتظمه عباره عن تحجر فبطني وعن دفع للاسفل الله يعزكم كاني بروح الحمام
واروح الحمام وكثر التبول الله يعزكم وخبرت اختي جت الممرضه تكشف حصلته 2سم
استغربت وانا احس كاني بولد والدفع يزيد وجاني نوم وتمت اختي تحمسني تقول لي لا تنامي بتروح الطلوق امشي اكثر واكثر وتميت امشي وامسك فجدار من شدة الالم وهالالم عباره عن حاجه تدفع واصرخ عليهن والممرضات استغربن انه اصارخ ونزل ماي ودم واختي تضرب الجرس تقول مااقدر اخليك شكلك بتولدين وكشفت عليه شافت البيبي يبي يطلع
هنا تعبت بصراحه صار ماعندي كنترول تقول لي خذي نفس لاتزفري بنقلك لغرفه الولادة وانا ماقادرة الالم يخليني ادفع
نقلوني للغرفه المجاوره تبع الولادة ونمت عالسرير وهناك ابي اخذ نفس وانتظر الطلق يرجع والممرضه الهندية تصرخ عليه تقول لي ازفري بيبي برع تفاجات زفرت مرة وحده وطلعت اجمل ريم طلعت قرة العين وحبيبة القلب ولله الحمد والمنه
وطبعا خيطوني لاني كنت ادفع وازفر فوقت مو وقت الزفرة الحقيقة وتمت الممرضة تلومني ان البيبي صغير ومايحتاج كنتي تنخاطي بس انتي شرختي نفسك
طبعا انا ماافكر لا في خياطة ولا غيرها تفكيري بنتي طلعت بالسلامة والحمدلله
وهذي قصة ولادتي ولدت الساعة 6:55مساء
والطلق بدا يشتد س6 وطبعا الطلق يسرع الولاده
بعد الولادة حسيت بالم وتعب واني ابي انام نومة طوووويلة بس عاد المستشفى من ينام فيه
بس بنات بنتي وجهها اصفر وعيونها صفر كنت اطلعها فالشمس بس مااحس في تحسن بكره بروح افحص الدم اخاف يكون فيها الفراء فالدم دعواتكم لها

الحمد لله ع سلامتكم والحمد لله لحضه وعدت وصارت ذكرى حلوه تحكيها لريم 🎀
اذا عيونها صفراء فهذا صفار ... انتي وديها للدكتور يشوفها انا كل عيالي مثل كذا تجلس امي تشممهم ثومه كل شوي والصبح تطلعهم بالشمس اسبوع ويكون تمام

مرحبا مامات
الف الف مبروك لكل اللي ولدوا والله يهون ع الباقي


جيتكم ب اكشني ..
يوم الاثنين طلعت أمشي بالممشى واخذتنا السوالف ومشيت اكثر من ساعه تقريبا
وصار معي تحجر مؤلم ف قلت امر المستشفى منها اشيك كم فتح ومنها اطلب سونار لأَنِّي ما سويت من الثامن
المهم جيتهم وطلع الضغط مرتفع .. وقاست الدكتورة قالت فاتح ثنين سانتي .. وسوت سونار وهنا الصدمة 😭 قالت ماني شايفه اي مويه انتي متأكدة ما نزلت عليك مويه ب كمية كبيرة ؟ قلت لا .. قالت تنويم انتي ما راح نطلعك ب نعطيك طلق
توكلت ع الله ودخلت وانتظرت الاستشاري يجي يقرر .. لما سوى سونار قال لا فيه مويه بس قليله ب نعطيك طلق ثلاث جرعات وان شاء الله يستجيب الرحم ويفتح .. كل ست ساعات جرعة .. وللاسف الثلاث جرعات ما جابوا نتيجة والتخطيط يُبين ان النبض ماهر منتظم .. ف خيرني الاستشاري بين خيارين ي اني انتظر 48 ساعه يمكن يجي طلق بس أكون عندهم تحت الملاحظة ما اطلع ي عملية ع مسؤوليتي .. ف طلبت منه يسوي سونار ويكتب لي تقرير ان فيه مويه وحالتي تسمح ب الانتظار وانا ب اطلع انتظر ع مسؤوليتي
لما سوى سونار للأسف ما فيه ولا قطرة مويه وقال تحتاجين عمليه مستعجلة ما نقدر ننتظر ..
وسويت العملية واللحين شوي شوي بديت اتعافى الحمدلله


نصيحتي لكم بنات لا تهملون سالفة المويات القليله اللي تنزل .. انا مرات تنزل علي مويات قليله حيل ي دوب تبلل ملابسي الداخلية ب شكل خفيف ما تصب أبدا .. وطلعت مويه الجنين تتسرب وانا مادري


عسى الله يهون عليكم ويرزقكم ب ولادة سهله وتقومون بالسلامه ..

ياربي الحمد لله انك لحقتي وشفتي المي ربنا هداكي سبحان ربي .... بعد مامشيتي رحتي للمستشفي ....
فعلا تري اللي نقول عنها افرازات تبلل الملابس تري هي مو افرازات هي مي الجنين تتسرب بس ع شكل افرازات بسيطه