تجمع الأمل (95) للمقدمات على عملية أطفال الأنابيب والمنتظرات نتيجة التحليل

الافضل حجز موعد بس نادرا تلقين تجين وتمسكي دور انتظار بس لو موعدك متاخر يفضل تحجزي واذا قريب مابتلقي اصلا الا انتظار ودوامهم فترتين صباحي ومسائي ماعدا الخميس صباحي بس الى 3 العصر الجمعة والسبت اظن مافيه والله ييسر لك

الله يتمم بك يارب ع خير ان شا الله العزل مده اقصاها 3 ايام قبل السحب بالعاده يعطون ورقه فيها تعليمات انك مثلاً تجين متروشه وان الزوج يتوقف عن الجماع لمده ثلاث وعينة الزوج ياخذونها بنفس يوم السحب

هلا بك اختي انا الحمد لله بخير وحالياً ماني مقبله بس نقول ان شا الله تتسهل واسويها قريب
انتي كيفك ووش صار عليك اذكر كنتي معنا بالتجمع بس ناسيه كنتي مقبله والا منتظره

ربي يسهل لك ويجعله سبب ان شا الله لنجاح عمليتك

حياك اختي بيننا والله يرزقنا وياك بالذريه الصالحه الحقن المجهري سهل ان شا الله يبدا باخذ ابر منشطه للمبايض وانتاج بويضات صالحه للتلقيح بعدها تبدا خطوه عمليه سحب البويضات عمليه سهله ببنج ابو نص ساعه والبويضات احيانا تكون فوق20 او30 بويضه بعض مختبرات يلقحون لك اللي تتلقح معهم ويرجعون لك ع حسب الدكتور 2 او 3 كحد اقصى وباقي البويضات لو تلقحت وكان درجتها ممتازه يعني درجه اولى او ثانيه يجمدونها لك انا سحبت 20 بويضه وتلقحت بس5 سبحان الله و2 بس اللي كانت درجتهم درجه اولى وهي اللي رجعوها لي طبعا بعد السحب برضو عحسب الدكتور يا يرجع لك بعد 3 ايام او 5 ايام والترجيع يكون كشف عادي زي السونار المهبلي ويرجعون الاجنه تكونين ع ظهرك بالمستشفى مده ساعتين ثلاث بعدها ترجعين بيتك وتبدا مرحله الانتظار مدتها14 يوم يايتم الحمل او تفشل العمليه لاسمح الله يمديك تحللين قبل 14 يوم في اليوم العاشر او 11 تحليل حمل هرموني رقمي وتبان النتيجه والله يرزقك ويرزقنا اسفه طولت عليك بس انا كنت زيك وتمنيت افهم بالتفصيل وش راح يكون معي