الكككسلانات الي ممثلي يدخلون

ياسمينا .. وماجستير انوثثه كيفكم ذحين


خلصت مطبخي والحمام ذحححين رايحه اخذ ششور 🛀🚿

هلا بخير الحمدلله
اليوم مالي نفس اسوي شي البيت تقريبا نظيف المطبخ والصاله والحمامات بس عندي غسيل
بكرة ببدا فيه
عندي ملابس ماستعملها بنات الي عندها أغراض ماتستعملها تجمعها وتتصدق فيها
راح يخف عليك التنظيف وتحسي البيت صار منظم
بحاول اخر الاسبوع اسوي جرد للمطبخ والملابس وغرفت النوم كريمات ومكياج وكل شي ماله حاجة احاول أتخلص منه والله يعينَّا

النشاط يبي له تبديل شي بشي
وهذي قائمه تكفل لك نشاط ونظافه ووقت كبير للراحه:
بدلي الشاي الاحمر بعصاير طبيعيه خصوصا البرتقال لأن الشاي ياخذ الحديد من الدم فتحسين بالكسل والتعب باستمرار
و عصير البرتقال ينصحون فيه النفاس لتعويض كميات الدم +فيتامينات وزيت كبد الحوت
للريوق بدلي الأطباق والأصناف وغسيلها بريوق سريع مثلا يوم سندوتش بيض يوم سندوتش جبن / سندوتش تونا/
وهكذا كل يوم سندوتش نوع وعصير أوشبس
وبدال لايجهز بساعه وغسيل مواعينه بساعه وفري جهدك بهالطريقه ولاتهدرينه بالوقفه بالمطبخ طول اليوم

بدال تبخير البيت وتعطيره باي وقت عشوائي حددي وقت الاذان لهالشي وجهزي صينية عطورات وملطفات بكل ركن وكل مدخل
مع بخاخ ومناديل ديتول ومنشفه صغيره وفواحه (موشرط كلهم بس اللي تقدرين عليه)
وكل مامريتي من ركن امسحي طاوله اورشي عطر او امسحي دريشه اوهويّه
فيبقى الركن يلق ويبرق

بدال لااتوضين للصلاه وقت انشغالك بالبيت تعودي وعودي عيالك يتوضون ويتعطرون كل ماادخلوا الحمام فيتعطر الحمام
فحطي صينية اي عطور ماتبينها وادوات عنايه وخلطات صابونيه ومقراض اظافر ومبرد زيت شعر ومقص غره حجر اسود
الخ وكل ماتسبحتي تنجزين شي منهم مره اظافر مره صابون مغربي مره شعر مره رجول
مره تنقعين ببانيو مائ وديتول اومائ وملح او جل وتفركين مره تنقعين بخلطة الرومي للرقيا لين تنشف وتبيض وتسبحين كالمعتاد
(طريقتها من موقع الرقيا الشرعيه من النت )
بجذي بتنجزين 7 اشياء اسبوعيا ع الراحه وبتبرقين وتروقين طول الوقت ومودك بالعالي
وهالشي بالليل بعد ماتعشين العيال وتسبحينهم وتنومينهم بوقت محدد والا ماتقدرين ترتبين امورك
غرفتك ماتطلعين منها الأ وانتي مرتبتها ومعطرتها
وعودي عيالك عاداتك ونظامك
وانهم يرتبون ويعطرون غرفهم اول مايقومون من النوم
وهذا موضوع لاساسيات الترتيب الشهري والاسبوعي

طرق الترتيب المنزلي سريعه وعمليه بالصورhttps://www.hawaaworld.com/showthread.php?t=454975...


الغدا والتسوق للوازمه
اول كل شهر اشتري خضره ولحم وغسليهم وقطعيهم واخلطيهم نفس الصوره حسب جدول اكلاتك
وتبلي اللحم بكذا تتبيله شي للقلي والشوي والكفته واللي تبين
وقسميهم بعدد وجبات الشهر
والطماط بالخلاط مع ذرة ملح وذرة فلفل وقسميه صلصات وباجياس بعدد وجبات الشهر واصنافه
الكوسا قوريها للمحاشي واحتفظي بمحتواها باجياس للمرق ولاكلاتك
بهالطريقه ماراح تغسلينهم وتقصصينهم يوميا وتكررين التعب
فكله متفرزن وجاهز للطبخ
فاللحم من الفريزر للجدر والخضره وكله
ثلاجتك : كل رف للون محدد او لنوع محدد رف للاجبان / رف للورقيات / رف للعصاير الخ
طبخ الغدا والحلويات والعصاير والمثلجات الشعبيه والتسالي فشار ذره الخ
ثلاث مرات اسبوعيا وبكل مره تطبخين ليومين
مثلا تطبخين محاشي وبشاميل وجريش ليومين / وهكذا بترتاحين من الطبخ

العشا






: اشتري انواع المقليات الجاهزه :
سمبوسه وناقتس وودجز وحلقات وبرقر وشبس ودبابيس كنتاكي بالبقسماط وبيتزات مجمده
وقسمي هالتشكيله باطباق وللفريز
وكل يوم تعشينهم طبق سواء قلي عادي او بالفرن
بدال لاتقصصين وتحتارين بعشاهم يوميا
من العصر للمغرب تسالي ولعب مع العيال ومسابقات بالعطله
مثلا كلمات انجليزي او مسابقة تلوين وذكاء وضحك وبالمدارس يكون الوقت لمذاكرتهم
آخر الاسبوع :
عشاكم من البيت بس بحديقه تروقون وتجددون اكسجين وهذا مهم للنشاط والمود
الملابس :
كل شهرين القديم تبرعات قبل لااتسوقين / ملابس البيت والنوم بدولاب او درج محدد / ملابس الطلعات بدولاب اورف محدد /ملابس لمناسبات بدولاب
وهالشي يرتب حتى صرفية الملابس فتعرفين الموجود واللي بتشترينه


غسيل الملابس :
بالليل قبل النوم غسيل وكوي فوري وانشريهم بالمنشر كالمعتاد
واشتري الاجهزه اللي نفس المصبغه توفر لك وقت وجهد وتكوي الجهتين دفعه وحده

والغساله فوق اوتوماتك وحاليا فيه غسالة ال جي عموديه تغسل وتنشف وتكوي عموديا

حددي ركن ثابت للصلاه لك ولضيوفك باسدالك واسدال بناتك وكم اسدال معلقين وسجاده فنسميه ركن البركه
تعوذي عن الكسل والعجز وكل ماتعوذ عنه الرسول عليه الصلاة والسلام
واكفلي يتيم لو ب10ريال شهريا أوجمعي صدقاتك وسلميها لاي مشروع صدقه جاريه اومحتاج
هالشي يبعد عنك شر الكسل ويشرح قلبك للسعاده لله في الله
المطبخ والحمام :
حددي درج لبخاخ ومنشفه للمسح والتعطير السريع
واستعملي لهم بخاخات ديتول اواي بخاخ فاضي اوفر واسرع للاسطح والبانيو والتعطير
وحتى باقي المطهرات استعيني ببخاخات فاضيه والباقي مائ
جهزي بجركل عباره عن خلطه من صابون ومطهرات اسبوعيا
واحد وللمطبخ وواحد للحمام
وباقي الطرق بالرابط
المواعين:

عبي الحوض مائ وصابون
وكل ماخلصتي من ماعون حطيه بالحوض

وحددي لك عدد بسيط من مواعين وقلايات واستكانات واكواب لسهولة غسيلهم
الفيري قسميه بعلب ل4 اسابيع والباقي ماي
وترى هالطرق بتنظم لك حتى مصروفاتك
الكنس والمسح :
بالأيام اللي ماتطبخين فيها فيكون يوم طبخ ويوم كنس ومسح مع شوية ملح خشن بحري
لانه يخلص المكان من الطاقه السلبيه ونفس الشي التخلص من الكراكيب
فتكونين رتبتي امورك شي شهري وشي اسبوعي وشي نص اسبوعي
الديتول
:ملطف جو ومعطر وللاستحمام تضيفين غطامنه لمائ البانيو ولاخر شطفه باللبس والشراشف والكفرات ومعقم للجروح
و100 استعمال تلقينها بنشرتهم وموقهم وهالطرق بعضها
فهو يختصر لك استعمال الاف المطهرات والمعقمات وبالتالي يختصر لك الوقت
فالسرعه بالانجاز بنشاط ومن غير كسل لازمها هالاعدادات بالبدايه فتجهزين جسمك ومودك بالاكل والفيتامينات وتجهزين
بيتك واركانه وكل ركن مجهز بأدواته واغراضه اللي تسهل لك الانجاز السريع
فهي الاصعب صح بس كبدايه واللي بعدها الاسهل وطبعا مسحة ميك اب وجينز تنشطك وتحفزك يوميا
وبالتوفيق للكل منكن باذن الله

ششكرا حبيبتي م قصرتي استفدت منه

وينكم ي بنات مختفينن
اليوم رتبت المخزنن حقي
ورتبت صالتي وغسلت حمامي
وطبقت ملابسس