
[][/
بقولكم السالفه من اولها ووالله الشاهد على ماقول :
انا عندي معاناه مع زوجي مهمل صلاة وراعي سهرات يوميه يفضلها على كل شي ويتاخر لوجه الفجر احيانا ويأست من حاله ينصلح
ونصحوني بسلسلة قصة النهايه لطارق السويدان وجبتها وحنا مسافرين شغلتها
وهو ماكان متحمس بس اجبرته.. وبديت الشريط الثاني لمن السلسله لان الاول مو مؤثر
وبصراحه ........
وبصراحه ............ الرجال تغير من لحظتها وتأثر مره وبشكل فاجأني
وتابع باقي السلسة بشغف عجيب وتاثر وسبحان الله صار يمشي للصلاة قبل الاذان وقلت سهراته مرره وصار مايتعدى 11 ونصف وكم دقيقه هذا اذا طلع ويروح ماهو متحمس بس التزم مع هالشله
والاهم انه والله العظيم صار يكره الاغاني والجلسات والرقص والخرابيط
وهذا كله حصل لما استقامت نفسه يعني يابنات اللي تشكي من سهر زوجها بالليل اقولها الحل
انه يستقسم ويلتزم بالصلاة والصلاه تنهى عن الفحشاء والمنكر
اما بالنسبه لي انا : فلما سمعت الشريط هذا تاثرت وقررت اصغر فتحة برقعي اللي تطلع نصف وجهي والغيت الكحله والظل والماسكرا والبلاوي اللي احطها والله والله والله والله ان زوجي قال كبرتي بعيني مررره وفرح فيني ,, تصدقون يابنات ؟؟
كنت استهزأ باللي حجابها كامل واحتقرها واقول يالله هذي وين عايشه الله يعينها واقرف منها
لكن بعد ماجربت ؟؟ راحه نفسيه ورب الكون ورضى تااااااام وتفرضين احترامك على الكل واولهم زوجك
والاهم هو رضى الله وبكذا اكون كسبت رضى ربي وراحة نفسي واعجاب زوجي
وبعدين قررت البس القفازات تدرون وش قال لي ؟؟
قال (( أحس بفخر وانتي تمشين جنبي )) ااي والله العظيم قالها لي
وصار يمشيني ويطلعني كل شوي واول كان بالقوه يطلعني مره بالاسبوع ويصير طول الوقت متنكد واذا
احد طالع فيني يقوول : المفروض الواحد يستر حريمه على شان مو كل من هب ودب يطالع
وبالختام يابنات : اللي تحط عطر الرسول اللهم صلي وسلم عليه قال انها زانيه
فمابالك باللي تتكحل وتنثر الظل فوق عينها وتركب العدسات وتسبل عيونها يمين ويسار
بالله عاد وش استفدت انا من هذا وذاك يطالعني باعجااب وانا اشيل ذنبه (العين تزني وزناها النظر)
يالله كم واحد طالع لي وانا مبسوطه ان شكل عيوني ملفت مع العلم انها صغار وعاديه جدا لكن المكياج والبلاوي اللي كنت اكبها كل ماطلع ولاحول ولاقوة الا بالله
كنت غافله و الله مهو غافل عني .......... :(
وَتَحْسَبُونَهُ هَيِّنًا وَهُوَ عِندَ اللَّهِ عَظِيمٌ
أسأل الله ان يقبل توبتي ويغسل حوبتي ويردني اليه ردا جميلا انا وزوجي
الحقيقه الموحشه بالصور
تواقيع بتصاميم رائعه وناعمه وتاخذ العقل وفيها اجر طبي واختاري



