اريد الطلاق

السلام عليكم ورحمه الله وبركاته
الله يسعد كل وحده بحياته
انا متهاوشه مع زوجي ومهي اول هوشه تقريبا من صار لئ معاه خمس سنين بدت المشاكل والهواڜ وكل يوم مشكله ويتسبب بالمشاكل وكنت اخفي عن اهلي ولامره قلت لهم انه يضرب او يسب او يهاوڜ وفيه مره صارت سالفه عاديه وماتسوى والله العظيم ودق على ابوي وهاوشه ابوي وسكت هو يحسب ابوي يبي يوقف معاه وزعلت عند اهلي اسبوع وراضاني ورحت واخر يوم برمضان زعل بسبب انه وقف عند الباب وتاخرت عليه خمس دقايق بس والله العظيم وانجن علي مع انه اول مره كل مره نوقف انا وعيالي عند الباب قبل يجي وغثن وقهرن يسب اهلي ويقذفهم ومو اول مره انهرت ووداني الطبيب جت امي للطبيب وخذتني من اخر يوم برمضان واول يوم العيد اخذ عيالي وانهرت وكلمه ابوي وتفاهم معاه وعتذر له وقال اللي تبونه اجيبه المهم انه تركن اسبوعين ولما رجع وقف عند الباب ارسلي خلي العيال يطلعون ماكلف نفسه يقول تعالي واجيب لك اللي تبينه واليوم صارت مشكله ماتسوى بعد وانجن ومسوي نفسه زعلان يبي اراضيه وانا والله مليت منه ومن طبعه الخايس والله ودي بالطلاق ومن زمان افكر بس قلت دام ماطلعن المشاكل ماراح اطلب الطلاق بس دام خربانه خربانه وانا مليت منه مستفز واسلوبه يقهر ويغث وارسلي صوت مشوين قال اخلي كل الناس تسمع بسالفتك واخليك تنمرضين وحظرته وصليت استخاره في طلب الطلاق واحس اني مرتاحه خصوصا لي شقه فوق اهله طبعا ابوه يصير عمي اخو ابوي والحين اذا بدت الدراسه ولدي يدرس اول سنه بس سجلناه بمنطقتنا اللي ساكنين فيها والحين انا عند اهلي مدري اتسرع وانقله والا يمكن يجي يراضيني قبل المدرسه شورو علي اطلب الطلاق والا لا

29 تعليق 2,836 مشاهدة

شاركي في النقاش

سجلي الدخول لإضافة تعليق.

التعليقات

27
  1. @smt_18

    يختي فكرررري واستخيري كذا مره انتو بينكم عيال وعشره عمر يمكن انتي مافمتي شخصيته ولا هو كيف يفكر ويشوف الامور هالرجال امرضوناااا مرض بس وش نسوي الشكوى لله نتحملهم وربي بيجازينا .. لاتسرعيين وتندمين ونصيحه خذي وقت طووويل بالتفكير لاتسرعيين لو تجلسين شهورر ماعليه عشان يكون قرارك صح .. وانتي شكلك حساسه من الكلام تاثرين عشان كذا تنهارين كيف لو بيطلقك وياخذ عيالك ولا يعلقك عشان كذا اقولك لاتستعجلين ..والطلاق مافيه مشاوره لان محد عايش وضعك وعيشتك صدقيني ...


    الله يسخر لك زوجك ويصلحه ويهديه ..اكثري من قول لاحول ولاقوة الابالله ..تبدل الحال
    والاستغفار عن تجربه ..

    اللهم صل وسلم ع نبيك محمد وعلى آله وصحبه وسلم تسليمآ كثيرآ " 💜🌹 " ..
  2. @doaa_aldnya

    لا تطلبي الطلاق
    الطلاق حل وحلال لكن هو اخر اخر اخر الامور
    حاولي مره ومليون تنقذين حياتك معاه وتلقو حل يرضي الطرفين
    حطي لك شروط اذا هو انسان يبيك بينفذها طبعا
    دخلي اهلك واهله
    خذي لك فتره طووويله بدونه
    غيري تعاملك معاه
    سوي كل شي ممكن يتسوى لكن الطلاق خليه اخر الحلول
    والله اول من يتاثر فيه عيالك وانتي نفسيتك
    ممكن ياخذهم ويحرمك منهم
    حطي كل الاحتمالات قدام عيونك
    لا تقدمي ع الطلاق الا انتي عارفه كل شي راح يصير لك وتحملي عواقبه لان الطلاق باب واحد تدخلي معاه وتقفلي كل الابواب امامك
    الله يوفقك واستخيري كل ليله وادعي بعد كل صلاه
    الله يردك بيتك ردآ جميلا ويرد زوجك لك ردآ جميلا ولا يكتب بينكم فراق للموات ي رب
    والله يحزني الطلاق كثير لان سبحان الله المراه ضعيفه والطلاق هو كسرها
  3. @noof_a_d_f

    صاحبة الموضوع
    حسبي الله ونعم الوكيل
    حاولت قد مااقدر اغير اسلوبي معاه احاول ماتصير مشاكل بس احس هو يدور المشاكل ويقولي انتي تدورين المشاكل
    طيب عڜان العيال الحين صارو يخافون منه لان دايم يهاوشني ويضربيني قدامهم حاولت كثير طيب الحين انا زعلانه عليه بدال مايراضيني وانا حرمته وعشره عمر وعيال يسوي نفسه زعلان عشان انا ادق ولا يقولي والله واقسم بالله لااخلي كل الناس تدري بسالفتك واخليك تنمرضين ليش طيب
  4. @alshfokh

    تفاهمي مع زوجك بحضور ابوك وعمك
    قبل لاتقرري اي قرار تندمي عليه
    وفكري بعيالك
    الصلح خير من الطلاق

تابعي تجارب أخرى من هذا القسم.