اكشن ولادتي 🎀🎀
صليت الفجر وشربت حليب وعسل وجلست الى الساعه سبعه ونمت
وماكنت احس باي الم
والساعة 8 بديت احس بغرق بسيط وتوقعت الله يكرمكم انها افرازات
وصرت كل ماتحرك احس ينزل شي مني وهنا عرفت انها الموية وكتبت هنا ادعولي نزلت الموية ومافيني طلق
واقوم اسوي لي زيت زيتون وحبه وسودا واسخنها ودهنت اسفل بطني وظهري ونقعت رجلي في موية دافيه
وشوي وتروشت بمويه اقرب للحاره وبعدها بديت احس بالطلق
وحاولت مااستعجل قمت اكلت ملعقه عسل وامشي في البيت وبدا الطلق يشد
واحنا رايحين للمستشفى قلت لزوجي يوقف ورى المستشفى فيه ممشى وجلست امشي الين خلاص ماعاد اتحمل الالم ورحت المستشفى وكشفت علي طلع مفتوح 4 سم ويادوب خلص زوجي الاوراق تقريبا خلال ساعة
وكشفت علي طلع ستة الحمدلله وعلى طول ودوني الكشك
دخلت الكشك تقريبا الساعه 12 وركبوا لي طلق صناعي وبدا يشد الالم خلاص ماعاد اقدر اتحمل
لدرجة شلت المستشفى بصياحي ماقدرت بصراحة اتحمل وكشف علي الدكتور طلع تسعة وصار يدخل يده وقت الطلق ويسحب وكل ماجات الطلقة سوا نفس الحركة
الين خلاص وصل عشرة وهنا بدا الجد صرت ادفع ادفع والدكتور يسحب الين سمعت صوت النونو وهنا خلاص راح كل الالم وخلوني يمكن عشر دقايق وجات الممرضة وصارت تضغط ع بطني وطلعت المشيمة
والحمدلله صح الطلق عذاب وتعب لكن تيسرت من عنده ولدت تقريبا الساعة ثلاثه
وربي سخر لي دكتور والله بس ادعيله صح ماكنت ابغى رجال لكن ماكان فيه غيره
تحملني تحملني لاخر لحظه واخلاقه حلوه ووقت الدفع ساعدني ويشجعني
الحمدلله كنت طول حملي ادعي ربي يسخر لي الطيبين من خلقه والحمدلله ربي استجاب دعوتي
معليش طولت عليكم بس كتبت بالتفصيل
ويارب عقبال ماتتسهل ولادتكم 🎀🎀
تباشير يوليو ⛅️ و اغسطس ☀️ 2016 -الملف السابع ☀️..
متابعة النقاش، صفحة 75