*_* رمضان بعد ايام قليله نستقبله باخبار سعيده*_* الله يهون علينا ويقومنا بالسلامه

ياالله إنك تصبّحهن بالخير والنور والسروووور...
صباح الصمود والتحمّل والوروك المفككة..صباح الكروش اللي بفعل الجاذبية طقت بالركب
<==شفتو هالدبدوب؟؟ والله العظيم إني أمشي مثله بالضببببببببط
أمس مدري وش دهاني نمت من الساعةوحدة تقريبا,,وأنا عادتي أصلي الفجر وأنام..بس قمت مصحصة وأفطرت حليب وشابورة-الدفعة الأولى
وأحتري الدفعة الثانية: كلوب ساندوتش وشاهي رااااااايق كنه دم غزال..
وكالعادة أقعد أفترس لين يصحصح وليدي ويجي يلعب عندي..
وش جدولي؟
كالعادة ممل..
أمس طبعت لي كتيّب النفاس اللي أنا مسويته لي..فيه طريقة شاهي الزعتر وشاهي القرفة,, وخبز البر والمصابيب والمرقوق و.......و........وقعدت مع هالشغالة وقمت أدرس على راسها..أبيها تتعلم قبل لا أولد..
والشغالة الثانية رقيت أنا وياها غرفة ولدي وعلمتها وش تاخذ له ملابس وجهزتها بالشنطة...الله يذكر ميوسه بالخير ,,نصحتني أجهزها من الحين وأحرص الشغالة كلما طلعت شي من الثياب ترجعهم للشنطة..بس المشكلة هالملقوف كل شوي يبي يغير ثيابة يوم صارت قريبة عنده,,
وذابحني الطفش يا بناااااااااات..أنا الحين بإجازة..ومشتاقة للدوام..أحس بملل فظيع..وودي اروح للسوق أباخذ لي جلابية للعيد ولولدي ملابس حلوة..بس مافيني حيل أمـــــشــــــي!! وبعدين أخاف تجيني الولادة وأبتلش بعمري!!
على فكرة بنات...
تذكرون الصياني اللي وريتكم إياها قبل شهر تقريبا؟؟
زدت عليها صينية سويتها قبل يومين وودي آخذ رايكم فيها..
أبروح دقيزة وأجي..

المسفهلة..
شلونك وشلون الدم معك..؟؟ احيانا يكون اشارة لقرب موعد الولادة انا بولدي يوم الثلاثاء نزل دم والاربعاء ولدت..الله يسهل عليك

شعر البنات,,,
كلشي الا انتي ..بس معليش ذكروني ..
بسمة براءة ..
طيب ليش ما تحطين بودرة انا جتني هالحالة قبل شهر او اثنين وكنت استخدم بودرة جونسون غيرالمعطرة..لأني جربت بودرات معطرة من الماركات سببت لي سواااااااااااااااااد فظيع..
تشيزكيك
ابشري وانشاء الله يسهل عليك
أم الكتاكيت..
ياقلبي عليك..الله يسهل امرك ..يختي شوفيلك حل ..اغريهم بالزيادة لو50 ريال حاولي منا منا..وعلمينا..
أم الغنادير..
الحمدالله على السلامة ..والف مبروك ما جاك..
مالقيت اسم..
الحال من بعضه انا في الثامن طلوق توقعت اولد اول التاسع والحين من دخلت التاسع مافيه ولاشيء
الرياض عالية..
على طاري الزيادة انا زادوني اسبوعين يعني بالاسبوع 42 ولادة بس لازم الوحد تروح تصلح تخطيط لنبضات قلب الجنين كل 3 ايام هذا على كلام الدكتورة الي كلمتها بالتلفون ولا الدكاترة في العسكري ما جابو طاري شمروني بعد اسبوعين و انتظري يا .... لين ما يجيك الربيع..

الفراغ
وشوله بودرة؟
تراي ضيعت؟؟؟؟؟
أنتي تقصديني؟وش أستخدم البودرة له؟

مرحبا
كيفكم انشاء الله تمام الحمد لله انا ولدت الاسبوع اللي فات طبعا قيصري وجبت بنت زي القمر
وعقبالكم انشاء الله واللي ولدو الف مبروك والحمد لله على سلامتهم