والله ياخوات اني اقرالكم عسى ربي يحفظكم ويرزقكم بلي تمنيتوه انا حاولت كم مره اسجل بالمنتدى بس ماعرفتله لين سجلتني اختي
وفي داخلي شي ودي اقوله وعسى ان شاءالله
القى الي تفيدني بموضوعي
زوجي له اخو وحيد ويحبون بعض وزوجي اكبر من اخوه بخمس سنوات ولاحد فيهم يقول لثاني لا ابوهم متوفي وعندهم اختين وامهم الله يحفظهم من يوم دخلت على هالعائله والله اني ماشفت منهم الا كل خير كبيرهم وصغيرهم طيب واخلاق واحترام وكرم وامهم ماتقولي الا يابنيتي
في يوم عشره رمضان اخو زوجي صلى التراويح
وجاء للبيت وقال لمه ابغى اخذ غفوه ساعتين وصحوني اول منام اتصل عليه زوجي ورسله يجيب ذبيحة ويوديها للمسلخ ويجيبها لبيتي وهو مايقول لخوه لا او اصبر كان وقتها زوجي بدوام راح اخوه وصارله حادث جاه واحد مسرع صدمه من الخلف ونقلبت سيارته الله يرحمه رحمه واسعه
من بعدها وحنا حالتنا حاله زوجي اخذله وقت مايتكلم وبس قافل على نفسه في المجلس وإذا طلع يروح يصلي ويرجع وحاول ادخله اكل قبل مايجي من المسجد حاولت فيه اهديه وذكره
واقوله قصة موسى وهارون لما توفي هارون
بس دون فائده يقولي إذا لي خاطر عندك اتركييني
ثم اطلع وتركه قلت يمكن ياخذ اسبوع محزن ثم ينسى
الحين صارله اكثر من شهرونصف احس تعبان نفسيا حتى اكل احيانا يقعد على وجبه وحده باليوم
ودائم وهو شارد الذهن مدري الادمعته على خده
لي تسع سنوات ماشفت دمعته نزلت الا بعد ماتوفى يارب اخر دمعه ولايريني فيه مكروه
محتفظ بمحفظة اخوه وجواله حاولت اخفيهم وزعل مني ورديتهم له
صار حاله مايسر بعد مكان يضحك ويستهبل ويمزح
صرت اشوفه كسير بس ساكت وإذا تكلم احس
يتكلم ورد يرد بختصار
حتى عياله صار ماهو يمهم زي اول
دقيت على امه بعد العزاء ابغاها تجي تهديه
وبيت امه قريب من بيتنا جات امه وخته صارو يبكون معه
اتصل على اخواني يجون يجلسون ويوسعون صدره وهو بس مكتم احس ان بيجيه مرض نفسي احيانا اقوله الشي يقول ماقلتيه صرت اجيبله مويا مقري فيها بس احس نفس الشي احيانا اقول بخلي اخواني يجبوله قاري وخاف يزعل ولا بغاه يزعل مني وفيه وحده قالتلي على حبوب مهديه وقلت لازم استشير طبيب عليها بس لوقلتله ابنوديك لدكتور مايروح يارب انك تجعل باقي ايامه سعاده
قلبي يتقطع عليه كل يوم
فيدوني الله يجزاكم الجنه
شاركي في النقاش
سجلي الدخول لإضافة تعليق.
التعليقات
69- زوجك حاس انه هو سبب وفاة اخوه
الله يغفر له ويرحمه
زوجك مو محتاج راقي ولا علاج نفسي محتاج شخص واعي يفهمه جيبو له داعيه معروف مو يقراء عليه لا
يتكلم معه وراح يرتاح بعدها
لان الي فيه تعب نفسي وتأنيب ضمير.. - الله يرحمه
ادعي له كثير الله يرزقه الصبر والسلوان - الفقد صعب
- الله يرحمه ويغفر له
- انا بنت عمتي توفت في شعبان وانا كل يوم ابكي عليها ولاني قادره انساها ودايم في بالي ( قلبتي المواجع )
- والله مادري وش اقولك ي اختي
- الله يرحمه ويسكنه الجنه
مالومه اخوه وعضيده الله يعوضه خير
هو حاس انه هو السبب يبي له وقت ع بال يفوق من الصدمه
جارتنا مات ولدها في حادث وتبكمت ماتتكلم ولاتبكي وحالتها تحزن جلست ع هالحال سنه ونص والحين الحمد لله بس باقي فيها حزن ونحفت مرره
مسأله وقت ويستوعب الصدمه الله يصبره ويجبر كسره
لو يجي ناس يحدثون عليه ويتكلمون معه ويهونون عليه - لانه حاس انه تسبب عليه
وهو قضاء وقدر ماله دخل بس احساسه جاء كذا
ياحياتي قسم
الله يرحم اخوه رحمة واسعة
مواضيع مشابهة
تابعي تجارب أخرى من هذا القسم.