السلام عليكم و رحمة الله و بركاته
اولاً هذا معرف مشترك استخدمه انا و صديقاتي
موضوعي و ما فيه انا متزوجه من سنة عندي ولد عمره 3 شهور زوجي انسان ماديته اقل من الصفر يعني تمر علينا ايام ما نلقى خبز ناكله و انا كنت متحملة اول لاني مافي الا انا و اياه بس الحين فيه معانا طفل محتاج تغذية و الله ي بنات الحليب و الحفايظ حق ولدي اخذها من اهلي و حتى ماني قادرة ارضعه طبيعي لاني ما اكل زين الحمدلله ربي رزقني بوظيفه و زوجي رااااافض بحجة و لدك مين يربيه قلت له اهلي مستعدين يمسكونه وقت دوامي حاولت معاه بالطيب دخلت اخواني في الموضوع مو راضي و انا هلكت من الجوع اخذت اخوي ورحت وقعت العقد و باشرت دوام زوجي زعل و وداني بيت اهلي يقول اختاري يا تقدمين استقاله او اجلسي ببيت اهلك وش اسوي ي بنات الله يجزاكم خير شورو علي جعل ربي يفرجها عليكم
شاركي في النقاش
سجلي الدخول لإضافة تعليق.
التعليقات
136- على فكرة انا شارطه عليه في العقد اني اتوظف و لما تزوجنا كنت موظفه بس لعب علي و صدقته انه اول سنة خليك في البيت علشان نعيش مع بعض براحتنا قبل يجينا عيال و بعدين توظفي و تركت وظيفتي و شفت الويل
- والله لا يرحم ولا يخلي رحمة الله تنزل.
ياانه يصرف على ولده زي الناس لو يتسلف او يسمح لك تتوظفين. الولد يموت جوع يعني عشان عناد فاضي بعدين كيف ماديته صفر وش يشتغل؟ ويوم اهلك يوافقون عليه ماكانوا يدرون انك بتجيبين عيال؟ وش ذنب هالصغار في أمور انتو يالكبار ماحسبتوا حسابها ولا فكرتوا فيها. - اي والله فقر وغلدمه
- منجد دام انتي شارطه وهو موافق خلاص مالو دخل
بس سوال كيف ماديته صفر كيف وافقتو عليه من الاساس وانتو الحين مانتو لاقين خبز حتى!!
او راتبه زين بس مع الديون والقروض - طيب تمر ايام ماتلاقي خبز يعني زوجك عاطل عن العمل؟؟
لانه من كلامك تاخذي حفايض وحليب من اهلك ومافيك حليب من الجوع معناته زوجك عاطل ومافيه من يصرف عليكم
والحل تتفاهمي معاه انه هذا شرطك في العقد ولازم ينفذه واذا عذره الولد قولي ماعليه اي خلاف باذن الله ماراح تغيبي عنه طول الليل والنهار كلها كم ساعه وترجعي
واذا رفض الوظيفه اذن تطلبي منه يأمن لك مصروف شهري ومقاضي للمطبخ والبيت وابشر باترك الوظيفه
وغلط منك تخلي اهلك يجيبو لك اي شي يخص ولدك هو مسؤولية ابوه يدبر راسه ويجيب اكل لولده اللي مره خايف عليه
مواضيع مشابهة
تابعي تجارب أخرى من هذا القسم.