تباشير يوليو ⛅️ و اغسطس ☀️ 2016 -الملف السابع ☀️..

بنات
كلكم أسمعوني وحطو نفسكم بمكاني وشيرو علي
أخر ولاده لي كانت مؤلمه وأثرها النفسي علي الى الحين لولا لطف رب العالمين فيها
كنت في مراجعه للدكتوره وكل الي أشتكي منه ضيق في النفس وأنا في الأنتظار أنفصلت عليه المشيمه وصار لي نزيف والحمدالله أني كنت في المستشفى لكن رعب ذيك اللحظات وألمها وحاله الأغماء الي دخلت فيها ماأنساهاوولدوني قيصري والحمدالله عدت على خير...


طول حملي هذا وأنا أهوجس على أني جلست خمس سنين ماحملت وقلت بنسى ذا السالفه وحمل عن حمل يختلف لكن دكتوري أمس صدمني وقال تتنومين لين موعد الولاده بعد أسبوع تجلسين تحت الملاحظه لأن أنفصال المشيمه عندك وارد في أي لحظه
رفضت وقلت له لا وطلعت وتوكلت على الله وقلت بجي موعدي الأسبوع الجاي ونومني..


الحين أحس بكتمه نفس الي جاتني بولادتي الأخيره وتحجير في بطني على أني في بدايه التاسع..


أنا حامل ببنت بعد أولاد وفرحانه فيهاولا ودي أتهور وماقدر أجلس في المستشفى أسبوع وكمان أيام الولاده وأترك بيتي وأولادي فتره طويله ولاحد عندهم


شورو علي يابنات والله أني بهم وسواس من ذا المشيمه من بدت معي الكتمه

انا هذا التحجر من دخلت التاسع وهو يوم يمسكني ويوم لا واحس الايام الاخير كل ماله يقوى وطبعا معه اسهال اليوم جاني وربي يوم دخلت الحمام الله يكرمكم جاني دفع حسيت النونو بيطلع خلاص قمت اصيح ع بنتي الصغيره اقول لها نادي بابا وجلست ابكي في الحمام حسيت بشعور الولاده بالضبط طبعا جلست الظهر كذا وبعدين خف احس اني تعبت خلاص اسأل الله الفرج والتيسير

انا الكتمه والتحجر من السابع معي لعب فيني لعب وعالتاسع صار يوم يجيني ويوم لا انتي استخيري ربك انا اقول لو تروحين لهم وتقولين ولدوني خلاص وشو له المطمطه دام وضع الجنين تمام الله يكون في عونك بس خليك حذره انفصام المشيمه خطير الله لايضيع لك تعب

استهدي بالله ان شاء الله خير انصحك روحي المستشفى مكان ولادتك السابقه واشرحي لهم الوضع وبيسوون لك سونارات واشاعات واذا شافوا المشيمه والجنين وتاريخك السابق بيقررون لك ايش الاسلم وغالبا تكون عمليه لتفادي النزيف لاسمح الله والله لايضيع لك تعب يارب

انصحك تروحين المستشفى وتتنومي لان هم ادرى منا عن وضعك ف اكيد ما قروو تنويم الا في سبب قوي ويتفادون اي خطر لا سمح الله لك او الجنين
وبما انك دخلتي التاسع ان شاء الله الجنين اكتمل مثل الي كمل اشهر كامل
والله يحفظ لك جنينك ويختار لك الي فيه خير لك