تعالوا نعرف نظام اطفالكم برمضان ؟؟

انا عندي بنوتة وحدة و من الان صرت انا وهي نسهر للفجر و بعدها ننام مع بعض و نصحي الظهر نصلي و الاعبها و اهتم فيها و بعدها ما تيجي خمس الا و هي نايمة للمغرب وقت تحضير الفطور و في الليل تنام لها كده ساعة ساعة و نص و تكون وقت صلاة التراويح و الحمد لله بس ان شاء الله تمشي معي لرمضان مو تغير مواعيدها هي لانه علي كيفها النوم

والله انا عندي ولد عمره 6شهور انا بغربه وودي اسهر برمضان بس بسهر لخالي ومو عارفه اعدل نومه وش الحل

مبروك عليكم الشهر
ومشكوره على الموضوع سبحان الله البارح افكر اخلي عيالي على نومهم بالليل او لا (4سنوات ,10شهور )
انا اقولك خليهم ينامون على افتراض 11 الى 12 حلو وراح يقومون ان شاء الله على 11 الصبح وقت مناسب فطروهم
والغداء حنا والله نزيد السحور ونبقي للصغار
او اذا بتنومونهم بدري عادي قوموهم معكم قبل السحور (يتسحرون ..ياحبي لهم )
وبعد الفجر يمغطونه ...............جربناها احسن حل حتى لاخوي الصغير اللي يداوم ايام الاجازه تعرفين ايام المدرسه ينام بدري

وبالتوفيق

والله اني اكثر شي احاتيه هو النوم
العام بنتي كان عمرها حوالي 4 شهور ونومها اعتفس خير شر في شهر رمضان صارت ما تنام الا الساعه 3 او 4 الفجر وانه عندي دوام يوم ثاني صراحه هلكت معاها
والسنه هذي ما ادري شسوي خصوصا اذا ابي اطلع بالليل يعني هي عالساعه 9 او 10 بالكثير لازم تكون نايمه وبنتي من النوع الي ما ينعطى ويه يعني لو يوم واحد غيرت نظامها بتظل عليه حتى لبعد شهر رمضان :(

امس وانا افكر بالموضوع عندي بنت وحدة ثلاث شهور و نص تقريبا

ما شالله عليها ما شية معايا تمام تنام و تصحى معايا و خايفة اخرب لها نظامها في رمضان و ما اعرف اعدلة بعد العيد....وخاصة اني موظفة الله يعينا