طلاق صديقتي

تاخذ قرض وتعطيه وطز......كيف تقلون تتطلق من جدكم انتم وش قوة الباس ذي ....خراب البيوت وشتات الاولاد وضياع مستقبلهم احسن عندكم ...صارت الفلوس كل شي لاوالله تعطيه تحافظ على بيتها وحده معلمه اعرفها نفس الشي طلب قرض ورفضت وطلقها ورماها هي وعيالها ثلاثه ولايسأل فيهم لها اربع سنين مغير نادمه

اسلوب واطي
مادام هددها بالطلاق عشان فلوس
فهو انسان نذل حتى لو كان بيرجعها
انا اشوف اذا هو يبغاها مستحيل يطلقها حتى لو رفضت
ولو طلقها معناتها هو ينتظر سبب عشان يطلق
تستخير الله وتشوف

كلامك صحيح

ممكن يطلقها وتندم بعدين. خليها تعطيه
والله يعوضها خير

ذكرت قصة اعرفها شخصيا واعرف بطلتها معلمة من المعلمات اللي توظفوا وقت وفرة الوظايف
وراتبها ماشاء الله روعة
وعندها من زوجها اولاد وبنات
وكان دائما مستغل لها وهي مره تعطي ومره لا حسب رغبتها
وبينهم مشاكل زي أي زوجين
قالها مره : " حبيبتي .. ابغاك في البيت تربين عيالنا وش لك بالوظيفة والتعب ولك مني اعطيك واعطيك ولا ينقص عليك شي واخليك ملكة .."
ورفضت
قال : " يعني تحبين الوظيفة اكثر مني .. بطلقك واختاري بيننا .. " طالعت المسكينة حياتها وعيالها وقالت : يالله هذا زوجي رفيق دربي وهذي عائلتي
وقدمت استقالتها
بس خلص كل الاوراق حقت الاستقالة وجلست في البيت
من بكره وداها زيارة لاهلها وارسل لها : انا اصلا ما اطيقك وكنت بطلقك بس كنت عارف انك معزوزة بوظيفتك ومنت حاسه بالذل والقهر لو طلقتك وانت موظفة
واللحين يالله اشبعي
وراح وتزوج وخذ وصاية البنات و هي جلست سنين تأمل يحن " عاطفية " وتقول لا يمكن تروح سنين اللي بيننا كذا بدون ما يحن
الين يأست
فوصيتي
اللي بيهدد بالطلاق على فلوسك ماله امان
وتطلع بدون ديون من عنده احسن من بكره يحملها تسديد الديون ويطلقها وهي ينبسط باللي يشتريه على ظهرها " وهذا مشاهد " بس يحس ان ما بقى شي في راتبها
وخذ اللي يقدر عليه وبقى الفتات وخلاص راتبها معد يقدر يستغله لسنين قدام وخذ اللي قدر يوصل له
يا يطلق
يا يتزوج وينساها
ودائما نصيحتي للي يهدد بالطلاق انها تقدم اجازة استثنائي بدون راتب
لمدة 6 شهور
وتروح له تقول استقلت وخلاص تعبت ما جاني من الوظيفة الا التعب والمشاكل بيننا والله يخليك لي منت مقصر معاي
وعلى اساس حياتها في الاجازة تحسم وضعها
اذا هو والله صار رجال ومسك مصروفها هنا تبي تقدم استقاله فعلا تقدم
واذا تبي ترجع وتجيب أي عذر بس لا يدري انها مسويه له اختبار
واذا صار نذل وطلق فهي افتكت من اسوء البشر واحقرهم ولا يحبها ولا تهمه
وبترجع لوظيفتها بعد ست شهور من غير مشاكل من اشكاله

لا تاخذ قرض فى ذمتها مايدر الانسان متى يموت وعليه ديوان ام الطلق ماعتقد راح يطلق هو يهدد بس ولو طلق ماعليه حسافة للمثله منالانذال وكرمة الانسان اهم شى عنده بكرى كل اشوى يهددها با الطلاق لانه عرف انها تخاف منه