شاركي في النقاش

سجلي الدخول لإضافة تعليق.

التعليقات

2,246
  1. السلام عليكم وحمة الله
    جنة اخبارك ايه وعاملة ايه دلوقت
    فطوم سلامة ياسمينة ايه يا بنتى ادوار البرد دى مبتسبهاش ربنا معاكى ويشفيها
    انا عايزاكى تفكى كدة قبل رمضان عشان ممكن يكون الشيطان هو اللى بيساعدك على حالة الكابة عشان تدخلى رمضان لا تصلى كويس ولا تقرى قران
    انا قصدى يشغلك عن الذكر قبل ما يتقيد

    نودى الجميل عاملة ايه فى التنظيم دلوقت

    دينا الاستاذة بتاعتنا عملتى ايه امبارح فى المعرض بتقولى ايه اتبهدلتى وكان زحمة عادى انتى علطول يا حبيبتى مبهدلة نفسك عشان البيت والعيال والطبيخ ربنا يديكى الصحة

    رانيا ورواء اخباركوا ايه وحشتونى جدا واولادكوا عاملين ايه

    احلام وماما نور وكنزى ازيكوا عاملين ايه
    الاء ولؤلؤة انتوا فين

    منى وشيرى المختفيات روحتوا فييييييين اوعوا تكونوا بتشتروا حاجة رمضان

    شيرى بابا عامل ايه دلوقت

    مين تانى مين تانىىىىىىىىىىىىىىىىىىىىىىىى؟؟؟
    معلش اللى نسيته ما يزعلش منى لكن انا بسلم عليكوا جميعاااااااااااااااااااااااا
  2. @gn_8

    وهو احنا حنفضل لحد امتى كدا يغلطوا ويعتذروا مش معقول وصلنا للدرجة دى الدنيا تتقلب لما حد يشتم بلدنا لكن لما يغلطوا فى النبى صلى الله عليه وسلم نطالب باعتذار حسبى الله ونعم الوكيل
  3. السلام عليكم
    ايه اخباركم كلكم وحشتونى اليومين اللى فاتوا
    جنه.....حمد لله على السلامة ازى رجلك دلوقت

    فاطمة ....الف سلامة على ياسمين كترى لها من عصير الليمون والجوافة وان شاء الله تكون تمام

    رانيا....مبروك البيت الجديد ربنا يهنيكوا فيه

    دون ...ايه بتدخلى تكتبى كلمتين وتجرى ليه فين ايام الروقان


    ماما نونو....رجعتى الكليه ..ايه الاخبار وزياد عامل ايه مع الدراسة ؟؟

    بنات عايزة رأيكم فى موضوع شخصى وهام جدا بالنسبة لى ومحتاجة اسمع فيه رأى حد عير اهلى واصحابى لان الكل مش قادر يفيدنى
    انا متجوزة مع ماتمتى فى نفس العمارة اللى هى اصلا ملك لبابا وبابا قبل ما يموت لما شفنا محتاسين بندور على شقة عرض علينا اننا نجهز شقة من العمارة ونسكن معاه وفعلا جهزنا شقة واتجوزنا فيها المهم يا بنات انا جوزى ولد وحيد على 3 بنات وباباه متوفى زيي واخر واحده من اخواتة فرحها فى العيد واخواته الاتنين مسافرين بره مصر وحماتى بعد جواز الصغيرة هتفضل لوحدها وانا مشفقة عليها انها تعيش لوحدها لانى عارفة الوحدة عامله ازاى ومقدرش اعيش معاها لان البيت عندهم ضيق جدا وحر ناااااااااار ومفيش اوضه نوم مقفولة كله مفتوح يعنى مفيش ادنى خصوصية ...ومقدرش اجيبها تعيش معايا لاكتر من سبب اولهما ...انى عايشة فى بيت اهلى ...تانى شئ ...انها من النوع اللى مش بيعمل اى حاجة يعنى لو جت عندى يومين مبتشلش الابرة من مكانها تفضل طول اليوم قاعدة متقومش الا علشان تصلى ...تالت سبب ان شقتى فيها اوضتين نوم بس واحدة للاولاد وطبعا انا بنام معاهم لان زوجى بيكون عنده شغل بدرى وهما بيسهروا والتانية بتاعتى اللى معظم الوقت جوزى هو اللى بينام فيها ..ده غير ان بناتها واجوازهم لما بيجوا من السفر ممكن يقعدوا عندها بالاسبوع نايمين صا حيين وانا مقدرش ان راجل غريب يبات فى بيتى ولا يقعد عندى ليل نهار لانى منتقبة مش عارفة اعمل ايه يا بنات مش عايزة اعمل حاجة تغضب ربنا وكله هيقعد لى فى عيالى وفى نفس الوقت مقدرش اخد اخد قرار انها تقعد معايا للاسباب اللى قلت لكم عليها
    بنات عايزة رأيكم بدون مجاملة مستنية ردودكم واللى مش هتنصحنى مخصماها:42:
  4. @cat_2006

    السلام عليكم
    ازيكم يا بنات المضيفه منوره
    جنه ...........الف سلامه على رجلك
    ام ابيها ...........الف سلامه على ياسمين
    فعلا ربنا يستر على اللى بيحصل امبارح وانا مروحه بعدى من عند الكنيسه اللى فى العباسيه كميه الامن هناك كتير جدا واول مره اللقى العساكر واقفين بالبنادق امام الباب الرئيسى كانوا بيكونوا بس فى عربيه واحده على جنب ربنا يستر
  5. @gn_8

    الله يسلمكم يا بنات - ويحطوا حرس ليه احنا كمسلمين بقينا اضعف من اننا ندافع عن رسولنا

تابعي تجارب أخرى من هذا القسم.