السلام عليكم
أولا //أنا موصاحبة الحساب والحساب معي .
طبعاً خطبنا لأخوي وحدة كلنا أخترناها .
مع العلم قريبتنا كانت تبغاه لبنتها لكن هذي نصيبه .
المهم بعد ملكتهم جتنا رساله ع جوالتنا عن خطيبه أخوي انها ..........موبنت !!!
المهم حذفنا الرساله وسكتنا .
وبعد زواجة وحملها قالت لنا عن قريبتها وكيف طلعت عليها كلام وعرفنا من طرف مين الرسايل وماخبرنا لازوجة أخوي ولا أخوي بموضوع الرسايل.
وربي وفقهم مع بعض وزيني مع بعض فجأة أخوي مرض ومن شيخ لشيخ ...الخ والحمد الله بدأ يتحسن .
خلال فترة مرضه زوجته الله يهديها ما كانت تراعيه سهرات وزوجات وعزايم وهو عندنا !
وحنا شايفين وساكتين ..واذا جت عندنا تقول والله معزومه بس ماني رايحة زوجي تعبان ونتفاجآ انها راحت !ونبلعها ونسكت ونقول ما لنا علاقة
مره طلبت منه تروح تحضر حفلة عصب عليها قال انا تعبان وانتي ماتفكرين الا باالافراح .
وتنزل علينا تشكيه وتعوذنا من ابليس وقلنا زوجك يمر بفترة مرض اوقفي معه العروس وش كثرها تتعوض .
قبت فينا قالت كل الرجال يمرضون !! ماحرموا حريمه وفي فلانه وعلاتانه .
عني قهرتني ..لكن فضلت السكوت .
واليوم الثاني ودها ومرض بسيارة واتصل ع اخوي وكان بتكسي وساق فيه !!!
الحمد الله مرت علينا وتحسن وضعه من أفضل لأفضل .
لكن الله يسامحها اخذنا فكره عنها ماش .
طبعا عندها ولد وأختي حملت ومن درت بحملها فكت المانع ..وهي تراجع تبي حمل الدكاتره يقولون ما فيك شي وهي قايمة قاعدة من حرمه لحرمه .
الان أخوي رجل له تعبه ...لكن ع خفيف .قبت فيه تقول حلل..قال لها لا .
نزلت اليوم تتكلم معي تقول ليش ما يحلل والله لو انا اللي فيني البلا كان ماصبر علي !
قلت اتركيه الان يوم يومين ا أسبوع ثم كلميه الان وضعه ما يساعد للحديث بهذا الموضوع ولدكم صغير .
قبت فيني قالت عشانه اخوك ...الخ
وفرت عليها قلت لا مو ذاته اخوي ماابيه يحلل ماني جاهله لهذي الدرجة ..بس مووقته الرجال تعبان مو عند تحاليل وخلفه ا صبري عليه .
قالت والله الرجال مايصبرون ع الحريم ...ومايسكتون ...الخ
وأنا اخصرها وتركها واطلع من المجلس !
وبعدها تقول لاختي أختك زعلت لأخوها لاني ابغاه يحلل !!
وهذا الكلام مو صحيح ..تحليل ما فيه شي يحلل لكن أولا ...مشاكلها تكون مع زوجها ماله داعي تزال تغثني فأسلوبها الزفت .
ثانيا..أخوي تعبان يحتاج مراجعات مع شيوخ مو وقت تفتح معه الان ع الاقل هذي المواضيع .
رأيكم ...حاولت تتكلم معي وكنت ساكته ماعلقت !
شاركي في النقاش
سجلي الدخول لإضافة تعليق.
التعليقات
33- الله يهديها ويسخرها لزوجها
انا اشوف انها تحتاج احد كبير مثل الوالده تنصحها وتكلمها بهدوء ورواق عشان تستوعب الكلام اما انتي واخواتك يمكن تفهم غلط وماتتقبل منكم عبالها تقاهرونها لازم احد كبير تحترمه هي وتتقبل منه - الله يهديها
مادري وش اقول بس شكله اسلوبها دفش وماتراعي الظروف وتختار الوقت الغلط للنقاش
طيب انتي كان قلتي لها وش دخلني موضوع خاص بينك وبين زوجك وسكتي لان واضح انها ماتفهم تفهم الكلام غلط
عادي لاتكبرين الموضوع وقولي لها زي هالمواضيع بينك وبين زوجك لاتدخليني فيها ووضحي لها انك اعترضتي على الوقت انه اخوك تعبان مو عشان لا يحلل زي مافهمت - لا حول ولا قوة الا بالله
الله يكون في عونكم وحسبي الله على من تسبب في الضرر والاذيه لكم ولاخوكم
اذا انتوا شاكين ان اخوكم فيه مرض روحي فلا تستبعدين ان زوجة اخوك نفس الشي فيها مرض روحي محتاجه علاج
واحتمال غصب عن عنها ماتحب جلسة البيت اللي فيه اخوك واذا طلعت ترتاح وعلى اتفه شي تتمشكل اتمنى فهمتي قصدي
يعني الخلاصه اصبروا على اخوكم وزوجته يمكن هي فيها من التعب والهم لكن ماتشتكي ويمكن ماتعرف ان فيها شي يجبرها تتصرف كذا
واذا اخوكم يعالج عند شيخ ياليت حتى زوجته تعالج وترقي نفسها وبيتها ولازم تتفهم الوضع وتصبر على العلاج
وبالنسبه للحمل المفروض قلتي لها لا انتي ولا زوجك عقيم الحمدلله ربي رزقكم بطفل من قبل يعني تتطمن وترتاح من هذي الناحيه والمطلوب منها حالياً تسعى في العلاج لان مصيرها مرتبط بزوجها - اولا مادري ايش الداعي من ذكر سالفة الرسائل !!
ثاني شي ممكن نعرف باييش تعبان لهالدرجة يعني هو فيه مرض بحيث انه محتاج رعاية تتطلب مراعاته 24 ساعة
اذا مو كذا ف هي قايمه بحقه طول اليوم ايش المشكلة من زواج ولا عزيمة ؟!
تدرين الانسان نفسية وطاقة
بعدين لاتزعلين منها حبيبتي جد والله كلامها صحيح بخصوص الاطفال
وايش المانع انه يحلل
انا اعاااني من هالمشكلة زوجي عنده اطفال من زواج سابق وصارلنا مدة ماجبنا اطفال وهو مو راضي يحلل شي يقهر ويغبن
هو رايح رايح المستشفى ليش مايحلل
ماعتقد انها طلبت شي شين ولا مسيء ولا فيه ترفيه - يبنات هي وزوجها ما فيهم شي حتى الشيخ يقول لأخوي ..عائلته ما فيه شي ...بس الحمد الله تحسن له سنه يارب لك الحمد بس هذا الاسبوع مدري وش فيه وهو ماتكلم ولا قال شي .
زوجة أخوي مثل أمها .
وحده أخر همها الرجال سهرات وزوجات وعزايم عندها ...وكل شي تصبه بأذن أمها .
واذا تبي شي زن زن زن وتفضح لين تحصل عليه .
مواضيع مشابهة
تابعي تجارب أخرى من هذا القسم.