شاركي في النقاش

سجلي الدخول لإضافة تعليق.

التعليقات

1,931

  1. @umarroo

    تراتيل
    ياعمري بإذن الله ربي بيشفي وليدك ويرده لك
    الحمد لله اللي سخر له من يهتم فيه ويعالجه
    وبإذن الله بيكون بخير
    استودعناه الله

  4. @dooode21

    مساء الخير حبايبي
    والف الف الف مبروك اكل اللي ولدو والله يسهل ع الباقيات .
    🔴اكشن ولادتي وسامحوني عَ التأخير 🔴
    سبحان الله اليوم اكمل التاسع وولادتي كانت ف 2 / القعده
    طبعاً قبل اسبوع من الولادة روحت موعدي وكشفت عليا الدكتورا وطمنتني ان الحوض عندي كويس الحمدلله لكن الرحم مقفل لسى وقالتلي امشي كل يوم نص ساعة ومن بعد الكشف سار ينزل عليا افرازات مخلوطه بنقط بنيه وخيوط دم الله يكرمكم المهم وسرت امشي لكن مو يومياً وكونت اخليها مشي ساعه بدل نص ساعه موعدي كان الاثنين ويوم الجمعة صحيت ع الساعه 9 سويتلي سندوتش جبنة وكاسه ميرندا وفطرت ورجعت نومت وسبحن الله ماكان في لا الام ولاشي بس كان عندي اليوم اللي قبلها اسهال قوي الله يكرمكم
    المهم رجعت نومت ويجي ع الساعه 11 ونص الصباح ابويا الله يسعدو يصحيني من النوم عشان افطر معاه ويدوب جيت اقوم من ع السرير الا انفكت عليا المويا وبسرعه روحت وصحيت امي وشلت اغراضي وع مستشفى الجامعه الحكومي ( لو فاكرين قولتلكم ولا مستشفى حكومي رضي يفتحلي ملف لاني جيتهم ع نهاية الحمل مو من البداية وفي مستشفى اللي هوا عبدالعزيز كان راح يفتحلي ملف لكن ابدا ماكونت حابه الميتشفى وكونت اقولهم مستحيل اروح اولد فيه لو ارجع اولد ف الشرقية عادي ولا اني اروح عبدالعزيز . وقولت حخليها لوقت الولادة واكيد اي مستشفى راح يقبلي وذا غلطي ) المهم روحنا الجامعه ولطعونا ف الطوارئ حق نص ساعه وكل شويا يقولولي الدكتورا هيا اللي تقرر ندخلك ولا لا وهيا ذحين عندها حالات تهلص وتنزل الطوارئ ، خوفت انو المويا تخلص ع الجنين وقولت لابويا خلاص خلينا نروح الولادة والاطفال ورحنا الولادة دخلوني وكشفت عليا الدكتورا وقالت الرحم مفتوح 2 سانتي لكن المويا مو من نفس كيس الجنين واحنا ماتقدر نستقبلك لان ماعندنا سرر كفاية حسبي الله عليهم المهم لما شفت المويا كل مالها وتزيد وتكب قلت لابويا خلاص ع عبدالعزيز ولا يسير في جنيني شي للان وانا ماعندي طلق ولاشي بس مغص خفيف ، وصلنا عبدالعزيز وع طول استقبلوني ودخلوني ع غرفة الكشف وطلع الرحم مفتوح 5 سانتي ماشاء الله وكتبولي ع طول تنويم وطلعوني لكشك الولادة ووقتها كانت الساعه تقريبا 4 الا العصر وهنا بدا معايا مغص غريب حسيت وقتها ان بطني راح يتقطع وابكي واصيح جات تكشف حصلتو 7 سانتي الحمدلله وكل مالو الالم يزيد سوتلي سونار وقالت المويا خلاص صفت ع الجنين بس عادي لانك ولادة خلاص بس المثانه عندك مليانه ممرا رمانقدر نخليكي تقومي الحمام حنركبلك قصطره لان المثانه مضايقه الجنين مو مخليتو ينزل براحتو والله يسعدها الدكتوره روعه روعه روعه خففت عليا القلق والخوف والالم قالتلي وقت ماتجيكي الطلقه قوليلي عشان اركبها وماتحسي بالالم وفعلا قولتلها وركبتلي هيا والحمدلله حسيت بوجع خفيف لان وجع الطلق مغطي وكان طلقي مرا مرا سريع وحار وشويا واعطتني ابره مسكنه وكمام وراحت وجات وانا ابكي واتالم وقالتلي خليني اكشف عليكي عندي احساس انك وصلتي 10 سانتي وتقيس ويطلع 9 وقالت للممرضه بروح ولو وصلت ل10 ناديني هيا خرجت من هنا وانا سار يجيني دف مو طبيعي والله العظيم بدون ماادف احس النونو سار يدف بأقوا ماعندو واصيح واقولها نادي الدكتورا وهيا مطنشية وتجهز الخيوط والاغراض وبعدين لما شافتني ادف من جد خافت ونادت الدكتورا اول حاجة سوتها الدكتورا سحبتلي القصطرة وقت دفه وتقريبا 4 او 5 دفات وطلع حبيبي ونور عيني ع الساعه 7 المغرب الحمدلله
    والله العظيم ع قد ماكونت كارهه المستشفى ذا ع قد ما حبيتو ربي رزقني بدكتورا زي العسل والتمريض كانو اتوقع هنود او باكستانيات واخلاقهم حلوا عكس الفلبينين ع قد ماتعصبي فيهم يردو عليكي بإبتسامة ويساعدوكي ارجع واقول الحمدلله مليون مرا اللي يسرلي وسهلي امري .

تابعي تجارب أخرى من هذا القسم.