لو كنتي مكاني تضحين بصداقة دامت سته وعشرين سنه

السلام عليكم
ب البدايه الله يرضى عليكن اي وحده عندها رد مو زين تحتفظ فيه لنفسها
عندي صديقه كنّا مع بعض من الصف الثاني ابتدائي كبرنا وتزوجنا وعلاقتنا تمام هي كانت تبغا تكلمني اربع وعشرين ساعه. وتحملتها. ولا بينت لها انه فيه ازعاج لي بس عشان هي زعول وهي كذا من صغرها المهم هي تزوجت بعدي بشي كثير. بس تغيرت مرره وصارت تتخاصم مع زميلاتي وتقريبا قاطعتهم كلهم وسوت لهم حظر تدخل واتس تكتب لي آلو. ادا مارديت. تزعل وتنطّقر. ثلاث أشهر. بعدين ترجع ولاكانه صاير شي انا غلطتي اني طوالي اسولف معها ولا اعاتبها. بس هي مسويه فيها ثقيلة ماترد علي. ابدن الا بمزاجها رغم اني مو مزعجه يمر شهر شهرين كذا ارسلها كيفك. وهي مطنشه المهم ادا عندها. مشكله تجي تكلمني. وحتى لو قلت لها. مشغولة ترسل وينك كل ذَا شغل اهم حاجه م تتركني الا وهي مفضفضه لي وأعطيها حلول. هيا العكس م عمري شكيت لها الا وتكتب لي الله يعينك ومعليش بروح أبدل لعيالي ملابسهم م تغير. عذرها وتطلع ولا ترسل اخره مره قلت مبغا اضلمها يمكن تنسى. جلست شوي قلت هاه وينك وماترد وعلا هذي الحاله لا بغتني وهي ارسلت وكمان تقاطع علا اتفه شي مثلا قبل سنتين سألتني عن حاجه وقلت لها مدري وزعلت وتقول الا تدرين وقاطعتني مدة سنه أرسل لهل م ترد وتركتها وهي من حالها ردت وتسولف وتشكي لي ولا كأنها مقاطعه
الي قهر ني لها ثلاث شهور مقاطعه وارسلت لها اعايدهها ولا ردت بس توها رجعت وتسولف عرفت ان عندها مشكله وتبغا تفصفض عاد خلصت فضفضه واليوم الثاني رسلت لها واعلمها اني بسافر عشان علاج ولدي وكتبت معليش ببدل لعيالي حايسين ملابسهم😩 وطلعت المهم انا هنا انقهرت منها م تعرفني الا وقت الحاجه وعادي عندها لو عندها مشكله تجلس خمس ساعات وهي تفضفض وم تتذكر لَبْس عيالها الا ادا كلمتها
المهم انا قررت أقاطعها وهي حست لنها لها يومين مو بعادتها ترسلي آلو كيفك شكلها حست اني زعلت شلت اسمها من جهات الاتصال بس محتاره اسوي لها حظر احس بتأنيب الضمير اقول مبغا اقطع علاقة دامت سته وعشرين سنه بس احسها تحب تأخذ وم تحب تعطي مرره محتاره أقاطعها او اصارحها ان حركتها تزعلني 😪

33 تعليق 3,355 مشاهدة

شاركي في النقاش

سجلي الدخول لإضافة تعليق.

التعليقات

29
  1. @talbh_gamaayh_2

    الصديق وقت الضيق
    وهي في ضيقتك ابتعدت عنك
    وش تبين فيها
    اذا جات تتشكوى لك
    قولي لها ماعليه بروح البس عيالي
    وطنشيها
  2. @losh104

    لاتقطعيها بس عامليها نفس المعامله اسحبي عليها وعيشي حياتك طبعها نفس طبع صاحبتي والحمدلله م صبرت عليهاا عاملتها بالمثل بدون حظر ارتحت منها وماحسيت بتانيب الضمير لانهاا تبن:
  3. @aazof_26

    لاتقاطعيها لكن ردي عليها حسب ظروفك
    يعني ان كنتي مشغولة اسحبي
    لكن ان اشتكت لك وعندك حلول قدمي الحل مو عشانها او عشان صداقتكم لا لا عشان وجه الله بسسسس
  4. @mlk_ansan_1

    انت عملتي بأصلك ومع ذلك م بين فيها احتسبي الأجر .. اذا سألت عنك ردي عليها كلمة ورد غطاها واذا م دورتك لا ترسلي ولو عاتبتك او قالت شي ردي زيها مشغوله وببدل لعيالي ومن هالكلام
  5. @ayno_al

    ليش اللف و الدوران اكتبي لها بالواتس يوم اجي اكلمك تسحبي علي واذا بغيتي شي جيتي ناطه تراني مو طارق الحبيب حقك وصديقاتي حولي وش كثرهم الحمدلله بس كان لك معزه خاصه و طااااااااااااارت
    بليز لاترسلي لي وامسحي رقمي من عندك مااحتاج. Selfish بحياتي باي
    بعدها اذا هي تحبك و تعزك جد بتعتذر او تحاول تصلح الموضوع واذا بايعتك بتطنش
    اما لو بس بلكتيها بتحطك غلطانه ولا تدري انك زعلانه وانتي بتنقهري طول عمرك
    طلعي الي بقلبك وخليها هي تحس ع دمها

تابعي تجارب أخرى من هذا القسم.