تجمع الأمل (95) للمقدمات على عملية أطفال الأنابيب والمنتظرات نتيجة التحليل

بنات مين نجحت عمليتها وزوجها عند ضعف بالحركه
استغفررر الله تو اقرا لوحده انو اذا في ضعف بالحركه يكون سبب لفشل العمليات>>>احبااااااط
الحمد لله على كل حال بددأت بالعمليه العاااشره

بنات الشرقية
تكفون دلوني على دكتورة او دكتور مجرب وشاطر للحقن المجهري
تعبت ابحث وكلهم مو شاطرين او مجهولين مالهم تجارب
ولما فكرت اسويها عند دكتور بالبحرين دكتورتي حذرتني منه


ضايعة وربي
الله يكتب لي الخير ويدلني على منهو الصالح لي ويرزقني الذرية الصالحة السليمة البارة وكل محرومة ومحروم عاجلا غير اجلا يارحيم

توكلي على الله
اصلا ثلاث ارباع اليي يسوون حقن مجهري
يكون عندهم ضعف بالحركه
وكثيررر منهم تنجح
ما اتوقع الحركه عائق فالاناليب كانت مهمه شوي اكن فالحقن المجهري تجاوزوا هالشي وماعاد يحتاجون الحيوان المنوي يتحرك لانه هم اللي بيحقنونه داخل البويضه
اتوقع جودة الحيوان المنوي اهم من حركته
ممكن تكون حركته كوويسه لكن جودته ضعيفه فيموت بسرعه


الله يعوضك خير العوووض ويبشرك باللي يسرك
توكلي على الله ولا تفكرين كثير
حطي فبالك تفكيرك لا راح يقدم ولا يأخر شي

يمدحون سهام العاكوم فسعد التخصصي ، و دكتور سوداني سمير عباس بس مااتذكر اسمه
والرياض قريبه منكم فيها دكاتره شاطرين

حاجة ثانية
شايلة الرياض من بالي بعيدة علي اذا بسوي تنشيط وسحب وترجيع وبتكلفني اكثر من ناحية السكن والاكل الخ .. وغير انك تسوينها وترجعين لبيتك ترتاحين فيه مو وراك سفرة وارهاق ماتنفع ابد
وبالنسبة لسهام علكوم حاطتها ببالي بس اوووفر سعر الحقن عندهم على 25 الف وبسمير عباس 15
اذا تقصدين دكتور سعد فهو سافر ومافي الا دكتورة هيفاء التركي مالها تجارب ولاحس