شاركي في النقاش

سجلي الدخول لإضافة تعليق.

التعليقات

41
    • عظم الله اجركم
    • والله يغفرر لها ويرحمهاويرزقها اعلى الجنان ويجعل مثواها الجنه
    • ماعندك خالات مطلقه او حتى ارمله
    • خليه يتزوجه وحده من خالاتك اذا فيه وهووبعد يرضى يمكن تكون احسن منها
    • وبعدين هو ترك بنات السعودية ياكثرهم اللي مطلقات وعوانس يبن بس الستر
    • وراح لدولة ثانية ابوك بجد غريب!!
    • الله يكون بعونكم ويصبركم على فراق امكم
    • لاحول ولا قوة الا بالله
  1. @shab_syf11

    دهمشه
    جزاكم الله خير والله ياخواتي اكتب ودموعي تسبقني مدري شنو اقوول امي ماكملت شهرين وفاة وغرفة النوم تصدقنا فيها لامي للفقراء انا اقصد الغرفه نفسها والبيت صغير صعبه ينقسم وهوصعبه يبعد عن اعيالها صغار محتاجينه كلمت عمي يقول ملتزمه ودينه و…
    الله يغفر لها ويرحمها ويجعل قبرها روضة من رياض الجنة،
  2. @st_alstat_4

    المشاركة المقتبسة غير متاحة.

    عمره سبعين وتبين تزوجينه بنات بالثلاثينات ليه ماتبي تعيش مثلك وتبي بيت وعيال و زوج محب انانيه
    بعدين وش الشي الي تطمع فيه بالله بيت كبر الكف وفيه 20نسمه و عمره سبعين وش تطمع فيه ليه ماقلتي هو طمعان بقوتها وجمالها والا علشانها اردنيه قلتي ذا الكلام
    صاحبة الموضوع في حريم عقيمات بالاربعين بيناسبها وبتناسبه وترى عمره سبعين يعني بينقصها اشياء كثيره انتم ابنو شقه فوق وتوسعوا وغرفة امك تراها بلوك واسمنت لا راحت الغاليه مااعاد لشي فايده ماتبي منكم الا الدعاء
    زوجة خالي ماتت وجلس خالي عمره 60رفضوا يزوجونه علشان بيت امهم جلس 10سنوات لين تزوج الكل وتركوه والحين لحاله بس ينتظر العامله تجيب له دواء وبناته تعبوا متزوجات وكل يومين تجي وحده ونادمين يقولون ياليتنا زوجناه تكفون دورو كلمو وحده عمرها 40وافقت بس قالوا ركبه توجعه ترى بس يبي ونيسه له وتسولف وتعطيه علاجه وكذا وحتى السياره مايسوقها ولا يحب يطلع والعامله تخدمكم قالت عنده تجاره وكذا قالوا والله انك طماعه قالت انتم وش ينقال لكم تبوني ممرض وقهوجيه له ولا القى منه شي وحتى اذا مات مالي شي انتم طمعتو اكثر مني حتى تبوني ابره بدالكم مالقيت منه شي
  3. @dhmshh

    صاحبة الموضوع
    والله حتي انا ماابي اظلمها لانها عمرها صغير علي ابوي واكيد تبي تشوف اخواني
    وتتحسر علي عمرها وشبابها
    وابوي معاه السكر والضغط وتخيلو ماكان ينام مع امي قبل مرضها وعذرا علي التوضيح الا بعقاقير منشطه
    يعني هييه المسكينه تبي تنظلم
    وانا قررت اني ماارووح الا اخطبله مره كبيره بالعمر
    يعني ماتبي غير الستر
    انا الصغيره انا ابي اظلمها صراحه مع ابوي
    واكيد الظروف هييه اللي حدتها انها تاخذ شايب كبر ابوها
    ولا وحده مثلها تبي اكيد واحد بعمرها
    والله يصلح الاحوال
  4. @zhor_albylsan_1

    الله يغفر لأمك ويرحمها
    وتراى هو من حقه تكون معه زوجه تسنده وتعينه زواج ابوك مو غلط ابداً واخوانك مو صغار اصغر وحده بالثنوي ابداً مو صغار وحتى لو كانوا صغار تراى الرجال ما يقدر يدير أمور البيت مثل الحرمه انتم استهدوا بالله وخلوه يتزوج وإذا عندكم زوجه افضل له زوجوه.
    وبسألك متى تشوفي الوقت المناسب لما يوصل التسعين ويصير مكانه السرير وينتظر من يتجمل فيه ويخدمه وانتم كل واحد لهي في حياته!!؟ فكري شوي فأبوك ، لو انه عضلك وما زوجك كنتي الآن تتشكي وتدعي وليه وليه وهو ظلمني تراى الوضع نفسه لو ما خليتوه يتزوج فأنتم تظلمونه.
    خليه يتزوج وإللي بياخذها فوق الأربعين مهي صغيره اتوقع انها بعمر امك الله يرحمها وبعدين احسن له ياخذ وحده تخدمه وتونسه وتسنده وإلا ياخذ وحده يومين وانتم تخدمونها وتعينونها لآنها يله تقوم من مكانها . خلوه يتزوج مافي مثل الزوجة الصالحة لا أبن ولا أبنه إلا ما رحم ربي وخاصه فهالزمن كل واحد يرمي ابوه أو أمه على باقي اخوانه أو اتفقوا ودخلوه دار عجزه أو جابوا له خادم وما يجونه الا ساعه ساعتين بالاسبوع ولا دروا عنه باقي الاسبوع.

تابعي تجارب أخرى من هذا القسم.