💜🍼التجمع (3) لحوامل يناير وفبراير 💜🍼

ماشاء الله تبارك الرحمن مبروووووك للي عرفوا جنس الجنين الله يجيبهم بالسلامه يااااارب وعقبالنا نعرف


بنات مين مثلي كارهه القهوة والشاهي والعصيرات بس أشرب مويه ولازم تكون مثلجه
كثير مواقف تمر علي أروح عند ناس ولا أشرب ولا آكل شي عندهم وأنحرج من هالشي خصوصا لو إنهم مايدرون إني حامل

تصدقون حتى الحلويات والشوكولاتات ما أبيها وريحة القهوة تحوم كبدي وزوجي مدمن قهوة لازم يبيها يوميا
وان شاء الله هالاسبوع بأسافر الرياض بر طبعا الله يعين على طول الطريق


بنات الرياض عطونا علوم جو الرياض الحين ان شاء الله خفت الحرارة وراح الغبار
الله يعين بس

حاسه فيك يا مرمرني والناس ما تعطي خير
خاصة إذا كان ذكور ياستير سترك كأنها شطارة منك جبتيهم
ومع هذا قولي بريح عمري سنين 5 سنوات كذا
بعد 5 سنوات تلاقي نفسك متردده ومجرد ما يدرس الصغير تشتاقين للنونو


وحتى لو ما رغبتي في ذرية زيادة لا تحددين وتقفلين الأمر نهائي
خذي موانع حتى يبدي لك الله أمر

والله من جد مايدرون ان انا وزوجي نفسنا ان نصهم بنات بس ربي وقدرته الحمدلله انا مشكلتي مشكله مع الموانع هذا اللي يخليهم تحت بعض انا اي مانع هرموني اتعب منه ولا يناسبني واللولب نفس الشي ممنوعه منه وحالتي حاله معد ادري وش استعمل حملت 3مرات على العزل والله تعبت نفسيتي ابغى ارتاح ابغى عيالي يكبرون وارتاح من تعبهم شوي الله يعين يارب ويسر لي المانع يارب

نفس وضعي وحامي اكره القهوه والشاهي ماحب اشم ريحه القهوه تنطبخ 😫اتعذب زوجي يتقهوى بالدوام بالبيت ماسوي ومره جوني ضيوف سويتها ذبحني الترجيع من ريحتها ولا احب اشربها ☹