شاركي في النقاش

سجلي الدخول لإضافة تعليق.

التعليقات

2,246
  1. @knzy1

    السلام عليكم
    بصي يامشمش
    طبعا دة راي انا حطيت نفسي مكانك وفضلت افكر اعمل اية ازاي ارضي ربنا وفي نفس الوقت يكون لية حياتي الخاصة
    انتي ياستي ممكن تقفلي غرفة خاصة ليكي في الشقة بتاعتها وتروحي تقضي معاها يوم او يومين في الاسبوع علي حسب ماوقتك يسمح وتعدي عليها انتي وجوزك في ايام محددة بالتبادل ودة حسب الوقت بتاعكم ولو تقدري انك تساعديها في البيت او الاكل وممكن انك تجبيها كل فترة تقضي معاكي يومين تلاتة ويكون تغير جو ليها علي شان متحسش بالوحدة
    ويارب اني اكون قدرت اساعدك ولو بفكرة صغيرة وان شاء الله تكوني انت وجوزك اولاد بارين باهلهم
    ويجعلة في ميزان حسناتك
  2. @am_abyha74

    رجعت تاني

    ازيك يا سمسمة عاملة ايه وايه اخبار ياسمينتك

    كنزي
    ماما نونو
    مشمش
    لؤلؤة
    لولوكاشا
    امل
    ام ديموس
    كات
    رواء
    رانيا
    دينا
    هيوم
    ام باسل
    نورة الدوحة
    عطر الورد
    يا رب ما اكونش نسيت حد
    ازيكم جميعا ورمضان كريم اللهم بلغنا رمضان

    مش عارفة المود بتاعي امتى هيتعدل اوقات بتعدي على الاقي نفسي متعصبة لاتفه سبب ومش مركزة وبارد ردود غريبة بدون تفكير
    مش راضية عن نفسي خالص

    هارجع لكم بعد الصلاة سلام
  3. ام باسل....جزاك الله كل خير على نصائحك الغالية وانا فعلا باحاول وربنا اعلم انى ارضيها ومقولش او اعمل حاجة تزعلها مع انى ببقى كتير هطق منها بس بسكت علشان خاطر زوجى ...بخصوص انى اشجع زوجى على برها هو مش محتاج حد يشجعه يارب اشوف ابنى زيه ده اول ما يدخل عليها لازم الايدين تنباس وياروحى ياقلبى يا حبيبتى والله انا مش بغير خصوصات بعد ما جه مصطفى وشفت الواحده بتتعب قد ايه فى حمل ووولادة وتربية ..

    رورو ....هى مش بتقوم من مكانها مش علشان هى ست كبيرة لا دى55 سنة لا ده كسل ومش عارفة ممكن اقدرؤ اعيش هناك ولا لأ لان بيتها بعيد عن كافة انواع المواصلات وانا ادام الشارع عندى محطة الاوتوبيس والقطر روالتاكسيات بس ممكن اعمل زى ما كنزى قالت واقعد معاها يومين فى الاسبوع اجيبها عندى يومين وبنتها تتحملها يوم تيجى تقضيه معاها

    فاطمة........كنزى ...حلوة افكاركم ربنا يعينى واطبقها لانى من النوع اللى مش بيخرج الا قليل جدا

    المهم يا بنات ان جوزى لحد النهاردة ما فتحنيش فى الحكاية دى خالص مع انى عارفة اد ايه هو بيحب مامتة بس ماما هى اللى قالت لى متسبيش حماتك وطبعا انا رديت احلى رد على ماما فسكتت وقالت لى مليش دعوة اللى عايزة تعملية اعمليه ومكتبتش ليكو الا لانى وقفت مع نفسى وحطيت امى اولا مكانها ثم نفسى بعد كده لما اكبر وولادى يتجوزا ....

    فاطمة مستنية باقى تعليقك
  4. mishmish
    ام باسل....جزاك الله كل خير على نصائحك الغالية وانا فعلا باحاول وربنا اعلم انى ارضيها ومقولش او اعمل حاجة تزعلها مع انى ببقى كتير هطق منها بس بسكت علشان خاطر زوجى ...بخصوص انى اشجع زوجى على برها هو مش محتاج حد يشجعه يارب اشوف ابنى زيه ده ا…
    السلام عليكم ورحمة الله وبركاته
    ازيكم كلكم يا بنات ومتزوجات:26:
    انا جايلكم جديدة عرفت بالصدفة انكم عاملين مضيفة بتتجمعو فيها << اخر من يعلم :hahaha:
    ممكن تقبلونى معاكم :)

تابعي تجارب أخرى من هذا القسم.