شاركي في النقاش

سجلي الدخول لإضافة تعليق.

التعليقات

2,052
  1. @hbybamha_2

    صاحبة الموضوع
    حلا الله يشفي زوجك ويرزقك بأحلى ولد ان شاء الله
    ذكرتيني بزوجي من بدأنا نحاول في الحمل وأنا أتحايل فيه يسوي تحليل وهو مو راضي ويوم سواه في مستوصف طلع ممتاز جدا وقعد يقول لي شفتي قلت لك مافيني شي المهم وانا اتابع واخذ منشطات وتفجير ولا حملت ومليت وبعدها بكم شهر أقنعته يعيد التحليل في مستوصف ثاني لاني شاكه بالتحليل الاول وفعلا عاده وش كانت المفاجأة 😳




    كل شي عنده صفر من عدد وحركة وغيرها
    هو جات له صدمة عصبيه وقال أكيد من الادوية حقت الفسفور وأدوية الكلى اللي اخذها وصار كل يوم يغسل يقول لي سألت الدكتور وقال أدويتي تأثر على إخصابي وأنا مصممه أبيه يروح لدكتور خصوبه وصار محطم نفسيا ومافي غير يفكر واخر شي قال لي يابنت الناس انتي لسه صغيره 😅 وانا مريض اغسل كلى وكمان جاني عقم اذا بتشوفين حياتك أنا سامح لك وسوى لي فيلم هندي وانا بيني وبينكم معطيته الطناش وقاعده أخطط كان عندي إحساس انه التحليل غلط وجيته يوم طلبت منه يعيد التحليل بس في مركز متخصص وصادف وقتها كنا في الرياض ونروح سليمان الحبيب ونعيد التحليل ويوم أخذ النتيجه طبعا مو مايفهم في التحاليل ويجيب الورقه لي وهو ينتظرني اقراها واقول له السالفه وانا اقرأ وأعبس في وجهي وهو ينتظر قال لي مافي أمل صح قلت لك وأقوم أضحك وأقول له تحليلك زين الحمدلله وقام يسب وعصب ويدعي على ذاك المستوصف اللي طيح قلبه


    وبعدها لو ايش اقول له خذ ياخذه واقتنع بعدها على طول بالانابيب مع انه كان رافض الفكرة يقول الله يرزقنا بدونها والحمدلله ربي سهل لنا الانابيب وحملت
    وهذي قصتي ههههههههه
  2. @shkao99

    حبيبةأمها
    حلا الله يشفي زوجك ويرزقك بأحلى ولد ان شاء الله ذكرتيني بزوجي من بدأنا نحاول في الحمل وأنا أتحايل فيه يسوي تحليل وهو مو راضي ويوم سواه في مستوصف طلع ممتاز جدا وقعد يقول لي شفتي قلت لك مافيني شي المهم وانا اتابع واخذ منشطات وتفجير ولا حملت …
    لا انا مو من جدة
  3. @shkao99

    حلا حبيبتي الله يشفي زوجكك ويرزقكك
    انتي الحمدلله سليمه نصيحه لك خليك طبيعيه ولتلعبيفي نفسكك💙💙والله اني احبكك في الله
    • بنات انا احس كل الكلام هذا خرابيط بالعلم ان عندي ست بنات الله يحفظهم ولا وحده منهم سويت فيها من الطرق اللي قلتو ابدا بس انا مقتنعه انه كله خرابيط يعني اللواتي جابوا بنات من جداتنا زمان وبعدها جابت اولاد هل اتبعت من هذي الطرق
    • كل شي بإرادة الله ايش ماسويت يظل الله هو القادر وياما بنات تابعوا التبويض وقطعوا انفسهم وجابو عكس ماتتمناه
    • اجل ليش شد الاعصاب في نزلة البويضة الان ولا بالليل وين اقعد اطارد هالبويضه حتى بالسونار مو قادر يطاردها واللي رزقها اولاد هل طاردت البويضات وانا احس احيانا السبب من المراه واحيانا يكون السبب من الرجل وفيه قصص كثير عندي واعرف تكون الزوجه الاولى كل اطفالها اولاد والزوجه الثانيه كلهم بنات فهذا يعني ان السبب من المراه
    • واحيانا العكس من الرجل وتلقينه يتزوج ويتزوج ويجيب نفس الجنس وبالاخير كل شي بيد الله
    • وشوفوني الحين محتاره لاني مسويه اربع قيصريات ويمكن باقي لي مره او مرتين وعمري 38سنه يعني راح العمر وماادري هل اسوي حقن مجهري لتحديدجنس الجنين لكن المشكله اللي يسوونها بهذا العمر احتمالية الحمل بالاجنه ضعيييييف وقليل افضل سن لاطفال الانابيب تحت الثلاثين واخاف اجي الدكتور ويقعد يقوله انها كبيره وماتنفع لها هالعمليات وبيصير زوجي يفكر ياخذ له وحده صغيره ويسوي معها هالعمليات وصديقاتي يقولون خليها لربي وبعده بس تابعي التبويض فقط وامي تقولي خلاص لاعاد تحملين بتجيبين بنت

    ام الاحباااااااط وعاد وكلت امري لله واتذكر لو ماجبت ولد اكيد ان زوجي بيفكر يتزوج بالعلم اني العمليه القيصرية الاخيره كانت قبل سبع شهور والدكتور قالي لاتحملين قبل سنتين وناويه اطنش كلامه واحمل اذا خلصت بنتي سنه هاه وش رايكم بكلامي وقصة حياتي
  4. @dno_mhmd

    مينا الدكتور يقول قضيه طبقات البويضه هو مكتشفه مافي دكتور قبله قال هذا الكلام والى الان الموضوع جديد .. طبيعي ما تلاقي احد زي كلامه ..

تابعي تجارب أخرى من هذا القسم.