خيانة زوجي لي مع بنت عمته للمره الالف 😭💔 عطوني حل تكفون...

ياقلبي انتي معاليك منه ومصيره يرجع لك بس بقولك حاجه وربي راح تدعين لي قولي له ودني عند اهلي وسوي نفسك عاااادي مو هامتك السالفة ولا رحتي لاهلك.

الله يفرجلك ويكون بعونك حسبنا الله ونعم الوكيل
ادعي ربك يفرجها واستخيري انك تبلغين امها تتفاهم معها ...

شوفي يا بنتي مثل هالخبيثه طالما ترسل صور خليعه لنفسها فهي بايعتها ما ينفع معها لا تهديد ولا اتصال لانها بتحظرك
رأي
اتصلي بابوها وافضل احد اخوانها وقولي له القصة وان بنتكم خربت بيتي وترسل وتعمل وتسوي الحل انكم تقطعوها وتوخرونها عني وعن زوجي لو كان يبيها لكان دق بابها ولا تفكرون اني بسكت اذا تبي تسترونها وتزوجونها لزوجي وقتها راح انشر الصور للقرايب لاجل يعرفونها وكلميه انك نصحتيها قبل وحظرتك واذا طلب منك ارسال صورة ارسلي لهم بس صوري المحادثه لاجل ما يقول ان المراه ترسل لي صور خليعه
وهذا الكلام طبقيه وانتي ببيت اهلك وقاطعه زوجك ولا تكلميه وادعي ربك يختار لك الخير
بكذا قفلتي اي باب للزواج بينهم وان قدر الله وتزوجها فما عليك الخبيث للخبيثه وقتها اشوف الانفصال هو الحل

من رائي وانا اعرف ان الي بقوله يمكن جنوني وخبل ..بس هذا الي طلع معي




اولا لا تهدديتها ولا تهددينه ولا تفضحين احد اضن التحدي والتهديد كلها بتزيد الامور سوء وزوجك يبعد عنك ويقسى قلبه عليك اكثر


شوفي يا خيه .. انتي تعذبتي عاطفياً والحل بالمثل
اكيد اللحين الغضب والقهر اهدى من اول
وانتي هدفك الاول والاخير تحافضين ع استقرار اسرتك مو ؟
اجل شوفي لا عاد تناقشينه بصراحه ف الموضوع او تطلبين منه يتركها او تحلفينه


بسسسسسس


اشتغلي من تحت لتحت


خليك مبسوطه ورايقه مع عيالك واذا قرب يجي ادخلي غرفتك وصكي الباب بالمفتاح وهاتك يا بكى وشهيق واهات بصوت يسمعه وهو بسال وش فيك وهو عارف وش فيك امسحي دموعك بهدوء وقولي ولا شي وسوي نفسك تبتسمين


اذا جاء وقت النوم سوي نفسك تبينه وعادي وبنص الشغله كانك تذكرتي شي و كانك تبين تبكين بس كاتمه البكيه هو بيلاحظ ثم انفجري وابكي واركضي للحمام وصكي الباب وكلمي بكى مكتوم مع اهات


كانك تتصبرين بس مو قادره
كأنك تتعذبين بسكات
خليه يحس ومصيره يحس
خليه تنسد نفسه عن التواصل معها
صدقيني بيتنكد حتى لو كابر ويمكن يقولها زوجتى مجروحه زوجتى مسكينه وهي بتنجن وتقعد تحش فيك وبكذا قلبتي الطاوله


سوي نفسك ما تقدرين تنامين واطلبيه يجيب لك حبوب للنوم وحبوب للاكتأب والحزن وكانك تاخذينها يعني
اذا نمتي جنبه نامي واذا صحيتي بنص نومك سوى نفسك شفتي حلم مفزع وكذا


المهم عيششيه التأنيب خليه يرحمك ويشفق عليك ويحسك المسكينه المظلومه الضعيفه مو العكس يحس انها هي المسكينه فهمتي!




لا تناقشينه بعقلانيه او منطق ابدا


وبالمقابل ادعي ربي انه يعينك ويخلصك من هذا البلاء
ادعي ربي انه يرحمك ويلطفك بك
وهو قريب مجيب
لا عاد تدقين ع البنت او تتواصلين معها ابدا
وان بغيتي تتقين الدور تمام
ارسلي لها رساله
فلانه انا اتعذب انا بموت من الحزن
انا صرت افكر بالانتحار كل يوم
فلان احبه اكثر من نفسي وقلبي ما يقدر يوقف عن حبه
لكن مع هذا اقولك الله يسامحك ويبيحك


واذا قالت له تمام التمام


بتطيح من عينه اكثر ويحبك ويرحمك اكثر
المسأله مسألة وقت بس
وتنتهي هالزوبعه
وانتي الكسبانه


تكوني كسبتي الحكمه والقوه
كسبتي حب زوجك ولو انه بيكون من طرفه هو بس بعد كذا لان اذا قدرتي تمثلين كل ذا اجل خلاص ما عليك خوف
وكسبتي بيتك واستقرارك ودلاله لك
المهم يا خيه
ارسمي خطتك بهدوء وانطلقي
خذي حقك كامب مكمل بهدوء ولطف


يارب تكون وجهة نظري مفهومه

من ستر على مسلم بدنياااا ستر الله عليه بالاخرهه وش تفضحهاا عند اهله هبال انتممم تحاكي البنت نفسه اي اوكى بس وش بتستفدين ؟؟
زوجك يحححبهاا باعك وحلف وباع دينهه ورجع لها ترتجين منه شي !!
الغريب ليهه ماخذهاا قبلك ايش السبب !!
انا مكانك ابيعه واشري راحتي واخذ واحد اكفى منه في البدايه صعب ايهه بتتركين بيتك اللي عشتي فيهه بس والله فترهه وتنسين وتقولين شلون كنت صابره عليههه !!
استخيري وتوكلي الله مايضيع عبده
انتي اساسا ماراح تستامنينه لانه بيبتل في بالك هالموال واللي خان مره يخون مرتين وثلاث 😢💔