شئ يقهر ولا لي حول ولاقوة❌❌❌

زوجي خذا اسمي عشان تطلع لي سعوده ويكون لي راتب وأشتري اللي ابي واللي ناقصني وكنت حيل فرحانه وانتظر متى يقبلونني واستلم راتب واعيش مثل الناس وأجيب لعيالي اللي نفسهم فيه لان حالتنا الماديه جداً ضعيفه وكثير أتمنى أشياء ومو قادرة أجيبها يعني من ابسط حقوق الأنثى المتزوج عندها كريمات أدوات مكياج عطور انا لا هذي الأشياء ماعندي وإذا شريت روج سحري ويالله عكس تماماً حياتي قبل زواجي كنت حيل مدلعه وأشتري ماركات قلت اصبر وتعايش مع حياتي بس شخص لا اُسلوب ولا مادة الله المستعان رحت سويت لي حساب بالبنك وانا جداً فرحانه قلت هانت ونزل اول راتب الصدمه خذا بطاقتي وصار يأخذ الراتب قلت ليه مو من حقك قال انا اللي موظفك وارتاحي مااخذه اجمعه عشان أجار البيت قلت طيب عطني النص راضيه قال لا وغير كذا لا مصروف شهري ولا شئ تعبت اشوف غيري وأتمنى ولا احصل أمس اشتديت بالكلام معها قال اصبري سنتين اللين أسدد قرضي وأرمي الراتب ب وجهك واطلع قرض جديد وحرمه جديدة
انا انصدمت معقوله هذي نهاية صبري كذا راح يجازيني وربي صرت أفكر ب الانفصال خايفه من اللي بيصير لي مستقبلاً