مرحبا بناات الحمدلله ع السلااامه لكل اللي ولدوا والله يهون ع الباقين ويسهل لهم
بحكيلكم اكشن ولادتي
طبعا انا قالت لي دكتورتي اللي بولد عندها بنص التاسع ان الحوض عندي فيه انحناء وضيق فاحتمال كبير اولد عمليه الا اذا ولدت قبل ما اخلص التاسع لأن الجنين يكون صغير شوي وممكن ينزل طبيعي
لكني كملت التاسع وزدت عليه يوم ورحت لمراجعتي وكشفت علي دكتورتي ولا الرحم مقفل والبيبي مو نازل بالحوض وطبعا الطلق الصناعي ممنوع بحالتي بحكم قيصريتي السابقه
فحددت لي عمليه صبح اليوم الثاني وطلبت تخدير نصفي ابغى اشوف البيبي لحظة خروجه واسمع بكاه
وجهزوني للعمليه ولما ضربت ابرة التخدير جاتني رجفه فضيعه وترجيع مع اني صايمه اكثر من 8 ساعات بلحظه كنت بطلب التخدير الكامل لكن دكتور التخدير اعطاني مهديء وارتحت بعده وصرت بحالة هذيان بس احس فيهم
وعشر دقايق واسمع صوت ولدي يبكي احلى لحظه حسيتها بحياتي الله يرزقك كل متأخره وجابوه لي وحطوه ع صدري وبعدين ودوه الحضانه
وكملوا شغلهم الدكاتره وحطوني قريب الساعه بغرفه الافاقه والحمدلله الذي بنعمته تتم الصالحات والحين اكتب لكم اكشني وولدي نايم جنبي يااارب لك الحمد على نعمتك وفضلك 💐
تباشير يوليو واغسطس الملف الثامن والاخير بأذن الله لعام 2016
متابعة النقاش، صفحة 90