ابكي عليه وانا مابعد فارقته خايفه اموت

السلام عليكم


بنات ترى اللي تعرض مشكلتها تكون تعبانه مافي داعي تشككون في مصداقيتها ولا تجرحونها بالكلام والله ترى بعض البنات يهاجمون ترى الردود اللطيفه تخفف على الوحده الله يخليكم


حكايتي انا حامل وأما من زمان مضربه عن الحمل لاني اتعب في الوحم لدرجة اني أوصل لمرحله تخوف من الأفكار الانتحارية اخر حمل كان قبل عشر سنين تطلقت من زوجي لأسباب كثيره ماله داعي ذكرها المهم وربي ييسر لي وتزوجت ثانيه بعد عناء وتعب المهم زوجي الثاني مطلق وماعنده أطفال ويموت فيهم وانا قبل الزواج عطيته خبر اني مضربه عن الحمل قال جات علي الحين ان قالها الله اني تحملين مني وبيكون حملك ان شاء الله اخف ترى نفس الرجال يختلف في رجال نفسهم قوي يتعبون الحرمه وفي رجال بالعكس وانا شاء الله اني منهم المهم اني حملت وللاسف تعرضت لنفس الحاله في حملي اللي قبل تعباااااااانه بأنهبل وقلت في نفسي الله يتمم لي على خير وهذي اخر مره احمل من غير شر لايكلف الله نفسا الا وسعها وودي أصارحه وأقوله اني ماراح احمل مره ثانيه وانا ماراح اكون أنانيه أحرمك وانت تموت على الأطفال لاني مره قلت له وعصب علي وقال انتي اصلا ماتبين مني خلاص عندك وتبين تحرميني وحملت عشان خاطره المهم الان لا ليلي ليل ولا نهاري نهار كل يوم أتعلق فيه اكثر وأحبه اكثر وأموت لو يغيب عني مع اني متوحمه عليه ما اطيقه بس ادري انه وحم واذا ولدت بأرجع انهبل عليه أغار عليه مووووت ومن شوي بكيت من قلبي لاني بعد ما أولد بالسلامه راح أقوله اني ما اقدر احمل وانا ماراح أحرمك الله يوفقك مع وحده تقدر تحمل مو تنازل مني بالعكس لكن والله اني ما اقدر وانت شايف حالتي وانا الان اجلس اتخيل انه متزوج وحده ثانيه واجلس اشاااااااهق في الحمام كأنه صدق احس بأطلع مجنونه بس فعلا ما اقدر أحرمه ولا اقدر اجلس معه باموت مااقدر اتخيله في حضن وحده ثانيه بتقولون لي هذا شرع الله باقولكم اللهم لا اعتراض بس ماراح اكون أنانيه أقوله والله لا تتزوج ولا راح احمل مستحيل انا من الان ميته وهو ما مسك يدها كيف بكره لي تزوج لا تلوموني بس والله غصب عني جالسه أفكر من الان ولا ادري وش اسوي والهرمونات متعبتني مع حملي احس باوصل مرحلة الجنون ما اتخيل حياتي من دونه سبحان الله احبه حب بحياتي ماتوقعت اني احب شخص بهالطريقه الله يصبرني ولا يجيب اليوم اللي أذوق فيه حرك غيابه

64 تعليق 10,110 مشاهدة

شاركي في النقاش

سجلي الدخول لإضافة تعليق.

التعليقات

62
  1. @bdon_nk_okly_lk

    الله يعينك حاولي تستغفري كثير وتذكري دايما لن يصيبنا الا ماكتب الله لنا وابعدي الافكار والوساوس الشيطانيه عنك كل مابديتي تسترسلين بالخيال. اقطعيه وتعوذي من ابليس واقري قران وربي يفرج همك
  2. @noarh_2020

    الوحام له علاج ف مستشفي والعيادات ....اعرف وحده وحامها 9 شهور الله يعينها منومه ف مستشفى ؟؟،لكن تحمل بعد 4 سنوات كذاأ ومعهااا عيال واموور تمااام
  3. حبيبتي ليييش مخليه الشيطان يفتح فيكي وسواسه ويأثر فيكي ؟!!!


    وتقعدين اتفكرين من الحين وتتخيلين وتقهرين حالك وانت حامل وتسبقين الاحداث بشكل سلبي يكفيكي اللي فيكي ترى كل كل هذا يأثر على نفسيتك وعلى جسمك وصحتك فليش اتعبي نفسك ؟؟ اتعوذي من الشيطان واستغفري ربك واحمديه واشكريه انك عديتي مرحلة الوحام على خير وتنتظرين الولادة وياربي اتقومي وانت بصحة وسلامة وتفرحي زوجك بالبيبي وتفرحي فيه ويملي عليكم حياتكم ..اما موضوع حملك القادم فلكل حادث حديث يمكن رب العالمين يخففو عليكي ويشفيكي ولا عاد يصير قووي معاكي ويمكن لما ترتاحي فترة تشتاقين لنونو صغير وانت اتقررين لحالك الحمل وما تتعبين لأنه كل اللي مريت فيه قبل نفسي أكثر من عضوي ويختفي ويروح مع الايام ... وادعي ربك داااائما يسخر لك زوجك ويسهل طريقكم ويمتعكم ببعض ولا تعطين للشيطان مجال انو يدخل بوسواسو وافكارو ويخرب عليكي حياتك صدقني مجرد افكارسلبية لين تتغلبين عليها تصبح ولااا شي وانت عامله منها مشكله اكبيرة


    الله يهنيكي
  4. @dynyrys

    خيالية مرة واحسك تتوهمي وتسوي دراما ومسلسلات
    تشبعي فيها مشاعرك واحاسيسك
    اخاف انك تفكري بالانتحاروتنتحري وانتي تظني انك تتوهمي
    الله يرفع عنك

تابعي تجارب أخرى من هذا القسم.