موقف ابكاني ليلي كله

قبل البارح كنت فاضيه والا اجلس اقرا بحالات الاوادم بالواتس لقيت صديقه لي حالتها حزن وكأبه قلت خل اشووف ايش عندها على انه عندي بالسناب مابها الا العافيه ومسافره .
قلت خل ادق اتطمن عليها على ان لي فتره منها وادق اكلمها وبين السووالف قلت لها شفت حالتك وقلت اشو ف ايش فيك قالتلي هاذي حاطتها تصبير لاخوي لانه بموو قف يحزن قلت سلامات ايش فيه .....اخوووها هاذا يابنات ضابط وهو اللي قايم باخواته وامه ويحبوونه كلهم لمن توفى ابوهم كان عليه ديووون وعنده بنات فأخوووهم قايم فيهم من مجاميعه وطيب وحنووون جدا ولامخلي قاصر على اخواته وشرالهم بيت وسدد ديوون ابووه ولمن وصل عمره 36 قالو خلاص لازم تتزوج وخطبوا له بنت خالته عمرها 22 بنت جميله وطيوبه وعسل تزوجها هي اهلها بمدينه ثانيه وحملت ولمن قربت ولادتها قالت بروووح لاهلي قال لا تولدين عندي واذا ولدتي تجي امك عندك واهلي موجودين تحت وتسير امه خالتها واصر حتى امه قالتله خلها تروووح لامها افضل لها رفض بحجه انه اذا ولدت تعب علي انزل واطلع مع الدوام من غير استحي ببيت اهلها كل شووي جايهم لا تجلس عندي وتولد هنا واهلها اذا بيجوها حياهم الله ..... اللي سار في اخر اسبووع في الثامن راحت لدكتورتها قالت لها كل شي تمام وتولدي نهايه الشهر باذن الله فقرروا اهله ينزلو مكه يعتمروا وكان مشووار سفر لانهم بالرياض على اساس اسبوع وراجعين ...وجلست ببيتها اللي هو فوق اهل زوجها مع زوجها ويووم كان زوجها مستلم وعنده شغل بالليل جات تولع لمبه سهاريه معلقه بالجدار لقتها محترقه قالت بغيرها جابت لمبه وكرسي التسريحه وطلعت ولمن جت تغير اللمبه كأنه حست بكهررب واختل توازنها وطاحت على ضهرها مع انه مسافه بسيطه بس تعوورت كان الساعه حول 10 لمن جت 11 حست بألام وتزيد الالم عندها وتدق على زوجها تدق ولايرد كان نازل الميدان وجواله بالسياره وجلست تدق وترسل واتس لين سارت تدق والجوال قفل شحن لمن جات الساعه 2 زاد الالم عندها ونزلت المويات تركت شقتها مفتووحه ولبست عبايتها ونزلت وتدق البيبان وماتعرف احد وخايفه لين فتحلها شايب ودخلها وعلمته قالولها معاك اوراق قالت لا بس اتعالج عند دكتوره خأصه وعندي لها ملف اخذها الشايب وبنته ووصلوها المستشفى وربي يسرلها لقت دكتورتها مناوبه وهي من الخوووف نزلت مويات ودم وطفى الطلق سوولها قيصري سريع لكن الجنين مات وجاء زوجها الساعه 4 الفجر ولقى بيته مفتوووح والحرمه مي فيه والمووويات بالبيت وبالدرج وهي نازله وقتها حس ان فيه مصيبه سارت لها وراح شحن جواله وفتحه لقى لها مكالمات ورسايل واتس ومرسلتله صوتي وهي تبكي تقووله انا تعبانه حرام عليك انا انزف رد ولقى جوالها بالبيت ولقى مكالمات لاهله لانها دقت عليهم ضعيفه وراح مثل المجنون للمستشفى الحكومي قالوله ماعندنا احد بذا الاسم ورجع البيت على 7 الصبح الا يدق عليه رقم غريل اثاريه الجار بعد ماطلعت من العمليات وفاقت اعطتهم رقمه وكلموووه واعطووه خبر لكن ولدها مات طبعا كلمت اهلها وطلعوا من الطايف وجوها ماوصلوا الا اليوووم الثاني اخوووها لمن قابله قاله هاذي الامانه اللي اعطيناك اياها وتفل على وجهه من القهروهو عيت تقابله وعيييت تكلمه وعييت منه وبس تبكي وجاتها حاله بس تبكي ولها حوووول 8 اشهر وهو مثل بس يبكي وانكسر ولمن جاء ياخذ ولدها يدفنه بكى بكى لين انهار واخذ اجازه شهر ونفسيته تعبانه وزوجته طالبه الطلاق لانها ماتبي تشووف وجهه ونفسيتها قافله من ناحيته ......طبعا انا مدري ايش جاني ولمن علمتني جاء الليل واتخيل نفسي مكانها اطلق وتعبانه ولوحدي ولاعندي اهل ولاعندي احد وبولد واجلس ادق على بيبان الناس الساعه 2 هاتك يابكى وهاتك يابكى وزياده انه اللي ببطني يموووت والله مدري جاتني حاله حزن وكانه قسم بالله قضيت ليلي ابكي وقمت وعيووني منفخه مدري انا طبيعيه والموووقف جد يحزن والا فيني بلا 😂😂😂😂😢😢😢😢😢