تباشير يوليو واغسطس الملف الثامن والاخير بأذن الله لعام 2016

نصيحه اقوى محرض لكم المشي انا مشيت يومين فوق بعض مشي عدل ورجعت سبحت بماء دافي وعقبها جماع على طول اول يوم عادي حتى الم مافي بعد الجماع ثاني يوم السداده انزلت بعد الجماع ع الطول من انزلت شربت ماي ورد وزعفران ونقعت رجولي في ماي ساحن ورحت امشي وانا معاي الم ورحت المستشفى بالليل ورحمي فاتح 3 والقابله تقولي طلوقج بارده وحطت لي الحقنه الشرجيه ومنها يابنات الطلق حمه ويات قاستني قالت ولاده وطبقت كلامكم شمي ورده وطفي شمعه والحمدالله صبرت دخلت الساعه 2 وبنتي جبتها 6 بس جفت الموت بطلعت راسها الله يسامحها حاولو مايشقوون ويوسعون غير عندي بواسير وطلعو عند الدفع خلو بنتي تشقني بروحها ربي لك الحمد هاي اللاكشن والحمدالله ع الخلاص الخياط متعبني والبواسير الخياط وايد طويل لي وره الله المستعان يارب يرزقكم طلووق سهله

انا في 24 اغسطس اخلص التاسع
يعني بعد اربع ايام ان شاءالله
والمشي لي ااربع ايام موقفه
ابرتاح قبل ماتجي الولاده

انا بعد في 25 اغسطس اخلص التاسع احس بتقلصات عاديه غير منتظمه وانا متعوده عيالي الاثنين تعديت التاسع وفي ولدي عطوني طلق صناعي وراجعت قبل يومين قالت الرحم مسكر والبيبي راسه تحت وكل شي تمام الحمدلله والمشي بصراحه هالحمل مامشيت ابدا متكاسله مره
لكن بسالكم الحين صدق اذا اخذتي باخر ولاد طلق صناعي خلاص المره اللي بعدها لازم طلق صناعي بعد ؟؟؟

صبايا بالنسبه للمشد وش استخدمتوا انا ناويه اول اسبوع اربط بشماغ ربط خفيف واللي بعده اشد اكثر وبعدها استخدم مشد بس محتاره من وين اجيب من نعومي والا لاسنزا والا من وين احسن مشد يكون مريح ويشد ؟؟

حتى انا ودي اعرف ياليت يفيدنا المجربات ..
بالنسبه لي ربطت من اول اسبوع ع وصية امي بس مو منتظمة بالربط ومادري اللي اسويه صح ولا أخذ مشد أفضل.
ودي يرجع بطني زي قبل الحمل 😭💔
غير السواد اللي فيه وفي باقي الجسم استغفر الله جاتني نفسيه من شكلي 😣