السلام عليكم
يا بنات انا والله ما ابي منك الا خدمة بسيطة انا طالبة جامعية على وشك التخرج والحالة الله أعلم فيها
ومكافأة الجامعة معد تغطي ولا تسوي شيء ما ودي اقطع قلوبكم وادخل بالتفاصيل بالاختصار
اللي مسجله في سعوده او اخووها أو زوجها او اي احد مسجل او تعرف اي شركة او مؤسسةفي الرياض عندها سعودة للبنات او للعيال للأن اخوي نفس حالتي ياااا ليت تفيدني تككفون ابي وقفتكم لا تخلوني ومالكم منا الا دعوة في ظهر الغيب ف اللي تعرف شركة او مؤسسة في الرياضعندها سعوده للعيال والبنات تقول هنا تعالي الخاص عشان اروح للخاص وتفيدني بأسررع وقت
والله يجزاكم ألف خير
شاركي في النقاش
سجلي الدخول لإضافة تعليق.
التعليقات
4- طيب ليش ماتعطين دروس خصوصية؟
والله ياقلبي لو اعرف احد كنت ساعدتك
غالبا الشركات الكبيرة مو محتاجة
لو مرة ماحد دلك
حاولي تدقين على المؤسسات بنفسك - ربي يفرجها عليكم وع كل محتاج
- فلوس السعودة ماتجوز
لانك بتكونين اخذتي مال من الدوله بدون وجه حق
وساهمتي في الفساد والخداع والاحتيال على الانظمه والقوانين
وساعدتي الشركة في سرقة اموال الحكومه المخصصه كرواتب للمواطنين العاطلين عن العمل وساهمتي في استمرار البطاله
علما بإن الشركات تاخذ مبالغ كمساهمه من الحكومه مقابل انها توظف سعوديين في شركتها ويصير عندها مميزات
وصاحب الشركة يستغل هذا الشي يوظف ناس بالاسم عشان يسرق وينهب ويحقق اطماعه على ظهور الناس ويرمي عليهم فتات 1000 أو 1500 ريال
هذا غير حرمانك من الوظيفه الحقيقيه لو حبيتي تتوظفين لان اسمك بيكون مسجل في التأمينات كأنك موظفه وتستلمين راتب لا يقل عن 3500 ريال على الفاضي
نصيحه ابعدي عن الطرق الملتويه مثل السعوده الوهميه واطلبي من الله الرزق
معقوله مكافأة الجامعه ماتسد حاجتك ولا تكفي للضروريات والاساسيات ؟
مدي رجولك على قد لحافك وربي يبارك لك في فلوسك - الله يفرجها عليك
مواضيع مشابهة
تابعي تجارب أخرى من هذا القسم.