قلت لزوجي موضوع ببالي وبس قلته قال ليتك ماقلتيه قلبتي معدتي 😼😼

السلام عليكم بنات
انا حامل بثالث طفل الله يحميه المهم انا بالاثنين ولدت ××× فقررت اولد ××× هالبيبي ببيتي وجنب اولادي وزوجي ،،،ونظراً للولادات السابقه كانو يهتمو اهلي فيني اول كم يوم بعد كذا انا كل شي ترامس النفاس والشوربة وزوجي يجيبلي اغلب الأشياء..
فقلت لزوجي في شي ببالي بس لسا ماستقريت على قرار خليني استخير والله يجيب الخير،،قال ابش واصر اصر لحد ماقلت،،قلتله باذن الله ناوية اولد ب ×××× لاتقاطعني ولا ترفض لحد ماتسمع وجه نظري قال تفضلي..قلت اول شي انزل من اول التاسع ليل نهار متمددة لاحركة ول****ط بس اروح الممشى امشي اهلي يشيلو اولادي من لإلى..وانا اطول لأولد لازم اقفل كلللل التاسع ثاني شي اولادي يبطلو يسمعو كلامي ومايمشو على نظامي لابتفريش الاسنان ولا بالبقاله يروحو يخلو خواتي يفزعولهم..واطول كثييير بالرياض التاسع والنفاس وانت بس رايح جاي طيران فقلت خليني ابقى التاسع ببيتي نفس روتين يومي طبخ وتنضيف واهتمام بالعيال ممكن اولد قبل بس اصير بنص التاسع احجز لأختي تنزل تجلس معي وتساعدني واذا صار ولاده هي تجلس مع اولادي واذا خفيت بعد الولادة ننزل كلنا سوا للرياض يشوفو البيبي اهلي واهلك وارجع اختي لأهلي..قال خلاص خلصتي🙄 قلت ايوة قال انسي الموضوووع 😼😼
قال تخيلي اكون بدوامي تتصلي علي تصرخي يلا بولللللللد وانا اراكض بين السيارات قلتله ههه ومين قالك اصرخ والله ماصرخ لحد ماأولد..قال تخيلي ترجعي البيت بخياطتك وتمشي زي الرجل الآلي ويقول يعععع ووجه يقلب كنه شاف طراش😖😖😖😖 قال والله اهج لأهلي ب××× قلتله الله معك براحتك صار يقول انزلي اولدي عند دكتورتك ×× × والله تظبطك وارتاحي عند اهلك وانا ابشري مابقصر معكم تعرفيني انزل لكم كل ويك اند،،ليتك ماقلتيلي ايش اللي ببالك قلبتيلي معدتي وبطرش 😼😼
قهرني قسم بالله هو ماشاءالله مسؤووول بشكل كبير لكن ليش مايبغى يشيل مسؤولية الولادة((مشكلته انه مستسخف الولادة جداً علشان كذا مصرة اولد ببيتي علشان يشوف كل شي قدام عيونه هو ينزل ××× يكون البيبي جنبي وانا متزينه كمان بغرفه المستشفى،،ماشاف اي شي تخيلو لدرجة اني كلمته بابني الثاني يوم الولادة فيني طلق قلتله شكلي بولد اليوم فيني طلق قال طيب يلا سرييييع اعطيني طريقه الكفته بالفرن 😤😤)) ايش رايكم بهالزوج العلة 🤒 وايش افضل انزل لاهلي ولا ابقى ببيتي صار فيني اصلا عناااااد ابغى بس اعانده واولد ××× علشان يشوف الطلق طبعا مستحيل ادخله معي غرفه الولادة،، شيرو علي ياأمهات

53 تعليق 10,102 مشاهدة

شاركي في النقاش

سجلي الدخول لإضافة تعليق.

التعليقات

47
  1. @dlooooaah_o_thooook

    الحل ياخذ اجازه من عمله ويروح معاك عند اهلك ،،، ويصير يوم ولادتك هو اللي يوصلك المستشفى وهو اللي يشوف البيبي ويأذن بأذنه ،، بالنسبه لي وجود الزوج مع زوجته وقت الولاده مهم جدا جدا اقلها يوم الولاده ووقت خروجك من المستشفى هو اللي يكمل اوراقك وبعدها يتوكل ع الله..
    مع انه وجود طفلين عندك مع البيبي جدا تعب عليك وعلى اهلك يعني الافضل يكون زوجك موجود وياخذ اولاده معاه يمشيهم ومايرجعهم الا وقت النوم وانتي ترتاحي عند اهلك..
    الله يسهل لك ولادتك يارب ويقر عينك برؤية جنينك..
  2. انا اول بيبي والثاني عند اهلي الباقيين خلاص ببيتي طفلي الثالث كنت ناويه اولد ببيتي بس تعبت في الولاده لانه معاي ربو والحبل السري كان ملفوف على البيبي واضطريت اروح لبيت اهلي اسبوع ورجعت كملت ببيتي
    اذا الولاده تيسرت معاك خلاص اولدي ببيتك وجيبي لك شغاله بالساعه او زي ماقلتي اختك تجيك اول اسبوع وبعدها اصلا بتقدري تقومي وتتحركي ماله داعي الوحده تقعد على السرير اربعين يوم هي اول عشره ايام لحد ماتطيب الخياطه خاصه انه معاك اولاد من قبل الافضل يبقوا معاكي بالبيت وزوجك ينتبه لهم
    والله يقومك بالسلامه
  3. @hnan_almagd

    انا نفست عند اهلي ببكري ورجعت بيتي بعد 21 يوم وكنت طيبه الثاني كانت ضروفي ونفسيتي زفت لانه مات ولزمت امي ورحت لهم بس اسبوع ورجعت لبيتي قعدت عندهم عشان بنتي جدا عصبيه وتبكي تخيلو من ثاني يوم دخلتها انا وامي وحممناها لانها كانت ترفض اي احد واخذها ابوها ورجعت عشانها حنيت عليها وثالث نفاس يومين بس عند اهلي ورجعت بيتي وكان احلى نفاس انا اروح عشان امي ماتزعل وايضا زوجي اذا قلت له باؤجع البيت يرفض يقول خليكي ترتاحين خايف عليك وهو من جد الكلام هذا خايف علي ...بس ربك يعينك بس المهم انتي من داخلك تكوني مقتنعه من نفاسك في بيتي ميه بالميه وماعليك من زوجك هو باين عليه بس خايف اذا جاء وقت الجد رح يفزع لك
    ..واختك ايضا بتجلس معك حلو واتوقع جده مافيها حوسة زوار ومعارف مثل بيت اهلك ..انا اكثر شي تعبني في نفاسي في بيتي مقابل الزوار جدا تعب مع ان زوجي كان يساعدني واهل زوجي ايضا ....وفالك الولاده السهله ...

تابعي تجارب أخرى من هذا القسم.