تجمع الأمل (95) للمقدمات على عملية أطفال الأنابيب والمنتظرات نتيجة التحليل

الله يطرح فيهم البركة كلهم يارب ويثبتهم وتبشرينا بحملك

حبيبتي
اسئلي الممرضه قولي متى وقت العمليه الساعه كم ؟
اذا بالحبيب يبلغونك اذا سئلتي الممرضه تقولك
انا سئلتها وقالت 12الظهر
علشان ماتقومي على طول
قاروره مويا تكفي

الله يعوضك خير ويرزقك
ماقدرت مااعلق على كلامك اولا" المؤمن مبتلى والرزق من الله وكله توفيق انا اشوف ان الدكتور ماغاط معاكم شاف تحاليلكم وبناء عليها سوالك العمليه وكثير ناس نفس تحاليلكم ونجحت العملية هذي ارزاق وحكاية ماعطاكم كورس ياقلبي مفروص تابعتوا مع دكتور ذكورة وجهزتوا نفسكم قبل العملية ومااستعجلتوا
انا صار معاي نفسك بالضبط كانت تحاليل زوجي سيئة وقالنا روحوا دكتور ذكورة افضل واستعجلنا وسويناها وفشلت مالمنا الدكتور حنا غلطانين وقبل كل شي توفيق من ربي انا سويتها عنده ثلاث مرات مانجحت الا بالاخيرة بعد ماحضرنا نفسنا سنه كاملة وتحسنت تحاليلنا
وانتي ياقلبي تلقحت لك ثلاث اجنة وهم بلغوك ولكنك طالبه تحديد جنس جنين ماحصلوا ذكر الا واحد درجة ثانية هذا اختيارك وراجع لك ليه تقولين غشنا!!ترا تحديد جنس الجنين يضعف جودة الاجنة وابحثي وتأكدي ..
مايجوز لكم تقولون
الدكتور غشناوماعنده امانة وضحك علينا !!! والغلط منكم اولا وبعدين هو سبب والرازق ربي كثير تفشل عملياتهم هذي ارزاق من ربي
الدكتور بندر اشوفه ماقصر واشهد له شهادة حق انه كفئ وكلامي هذا من اول عملية فشلت عنده وانا اقوله ولو احتجت رابعه الله لايقول بسويها عنده صراحة قمه وحتى الناس الي تقول يستعجل ايه انا معاك بس اذا دخلتي عنده اكتبي اسألتك وحضري نفسك انا اكتبها بالجوال ولو كانت كثيره اسأله واناقشه ويرد بكل سعة صدر والمنسقات والله مايقصرون ساعات اسألهم بوقت متأخر بالليل بعد الدوام يردون على الواتس ويردون على الاتصالات ويوصلون كل استفساراتي المستشفى من احسن مايكون ومختبراتهم الافضل بشهادة الكل..
وكلامي هذا بس عشان الي تقرا الكلام ماتتأثر بكلامك الغير منطقي وينحرمون من خدمات دكتور بمثل كفائته
وترا موعشان تجربتي نجحت لا عندي تجربتين فاشله معاه بس مااقدر انقصه حقه ..
يكفي انه سعودي ووصل للمكان هذا نفتخر فيه ونثق فيه وندعي له بالتوفيق والله ينفع به كل محتاج
اسفه ع الاطاله بس كلمة حق لازم تنقال..
وانا مقدر مشاعرك وكلنا مرينا بتجارب فاشلة ثقي ان الرازق هوالله والمؤمن مبتلى ولازم يرضى بقدر الله خيره وشره
الله يمسح على قبلك ويعوضك عاجل غير اجل وكل محروم

بس اوضحلك حبيبتي المغذي هذا جلكوز مو لازم تكملينه والمضاد ابره تعطيك اياها مع ابره المغذي بنص دقيقه وترجع المغذي مالها دخل

حبيبتي ممكن تفرغي مثانتك قبل تروحي المستشفى وتاخذي معك قارورة موية وإذا صار خلاص الترجيع أشربيها وبكذا راح تطولين وأنتي مستلقية..

بالنسبة لي أنا كنت صايمة من الليلة اللي قبل الترجيع لأني كنت أفكر أسويها ببنج ولما قابلت الدكتور قلت له أبغاها ببنج قال لا ماتحتاج كلها5دقايق وثقي فيني ماراح تتألمين .. وقتها شربت كاستين موية وتوكلت على الله والحمدلله كانت مثانتي نص نص مو مرة مليانة .. وبعد الترجيع استلقيت يمكن ساعة أو ساعة ونص