زوجي خاطب
انامتزوجه من ثمان سنين تزوجنا عن حب من وحنا صغار نحب بعض هو طيب وحنون بس ماعنده تفاهم يسوي اللي براسه مهما حاولت اقنعه باي موضوع متمسك برايه تعبت واجد منه تركت الجامعه عشانه وقاطعت ناس واجد وتحملت اهله لان سكنت معهم بداية زواجي وتحملته هو بعد لا مصروف ولاطلعات ولا سفرات يمكن انا كنت جاهله شوي بأمور الزواج والشغل بس الانسان مانخلق عالم بس هو يبيني الظاهر زي امه واخته انا غير طيب وش اسوي تخيلوا ثمان سنوات ماسافرنا الا شهر عسل وروحتنا عند اهلي وكان يالله يوافق يوديني عندهم واذا رحت يقولي لا تقعدين تتمشين وتروحين وتجين اقعدي في البيت وبس هذا غير اسلوبه قدام اهله بس ينافخ وكم مره صدته يكلم بنات وسفراته لوحده مع اخوياه والقى اوراق في جيوبه بوسات بالروج وبالاخير عرفت انه راح خطب وحده شفتوا القهر والسبب قال ماتعطيني حقي في الفراش وانا اتجهزله اغلب الايام والبس واكشخ واتعطر وهو ماكني جنبه مغير يطقطق بجواله وينام وانا احاول فيه بعض الاحيان انا اللي ابادر وهو نادرامايجيني احترت صراحه انا مقصره والا ايش ايه وبعد يقول انتي ماتنومي عيالك بدري عشان نقعد مع بعض وانا عندي ثلاثه اطفال ينامون والله اغلب الاحيان بدري بس بنتي صغيره توها ترضع عمرها سنه ونص يبيلها رضاعه وصعب اتحكم بنومتها الله يعيين بس ابي مشورتكم هو خطب الحين وانا زعلت وتهاوشنا وسحبني من بيت اختي وانا قاومته لان بغيت اطيح مع الدرج وبعدين حاول يرضيني ويهديني انا هديت بس اليوم الثاني طلبت الطلاق لان قهرني هذي بدايتها يمد يده وهو ماقد مدها ابد الشهاده لله وزعل وعصب ليش تبين الطلاق انتي انانيه اصلاً بتروحين وتخلين عيالك انا اخذت هذا القرار من القهر وعشان مااتحمل اشوفه مع وحده ثانيه بس بعدين تراجعت وقعدت في بيتي انا اموت في اليوم الف مره هو يقول لاتفكرين في الموضوع واجد وهو قدامي اطبخ له واغسل له واقوم بواجباته كلها هل اللي اسويه صح والا غلط ونسيت اقولكم تشرطت اكمل دراستي اللي طلبت اني اقطعها ومصروف لي ولعيالي انصحوني بالله اختكم في الله